Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Elimizdiń 12 óńirinde koronavırýs ınfektsııasynyń Stels-Omıkron túri anyqtaldy

2022 jyldyń 18 mamyr 2022 11:57

NUR-SULTAN. QazAqparat – Elimizdiń 12 óńirinde koronavırýs ınfektsııasynyń «Stels-Omıkron» túri anyqtaldy. Bul týraly QR Densaýlyq saqtaý mınıstri Ajar Ǵınııat aıtty, dep habarlaıdy QazAqparat tilshisi.

«12 óńirde koronavırýs ınfektsııasynyń «Omıkron» túriniń biri anyqtaldy. Bul – «Stels-Omıkron». Koronavırýs ınfektsııasynyń bul túri «Delta» vırýsyna qaraǵanda jeńil ótedi. Biraq, jyldam taralýymen qaýipti ári qaıtadan aýrýǵa alyp keledi. Sonymen qatar onyń búkil elimizde tarala bastaǵanyn kórip otyrmyz», - dedi ol Ortalyq kommýnıkatsııalar qyzmetinde ótip jatqan baspasóz máslıhatynda BAQ ókilderiniń saýalyna oraı.

Mınıstr vırýstyń taraýyna monıtorıng kúndelikti júrgizilip jatqanyn aıtty.

«Sımptommen júgingen patsıentter tolyq kólemde em alady. Syrqattanýshylyqtyń mundaı aǵymy kezinde qandaı da bir karantındik is-shara engizbeımiz. Sondyqtan barlyq karantındik is-sharalar alynyp tastaldy. Qazirgi ýaqytta negizinen turǵyndar arasynda aldyn alý jumystary júrip jatyr», - dedi Ajar Ǵınııat.

Sonymen qatar ol maska rejımin qaıta engizý múmindigine qatysty saýalǵa da jaýap berdi.

«Búginde maska rejımin engizýge esh negiz joq. Ol eldegi epıdemıologııalyq ahýalǵa baılanysty bolady», - dedi mınıstr.


Joǵary qaraı