Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Elimizdiń 12 óńirinde aýa raıyna baılanysty eskertý jarııalandy

2022 jyldyń 19 mamyr 2022 18:44

NUR-SULTAN. QazAqparat – Sınoptıkter elimizdiń 12 óńirinde aýa raıyna baılanysty eskertý jarııalady, dep habarlaıdy QazAqparat «Qazgıdromet» RMK baspasóz qyzmetine sileme jasap.

Aqmola oblysynyń batysynda, soltústiginde kún kúrkireıdi. Kúndiz oblystyń ońtústik-shyǵysyn shańdy daýyl basady. Ońtústik-batystan jel soǵady, oblystyń basym bóliginde jeldiń ekpini - 15-20, soltústiginde keı ýaqyttarda 23 m/s-qa jetedi. Kókshetaý qalasynda kúndiz keı ýaqyttarda naızaǵaı oınaıdy. Ońtústik-batystan jel soǵady, tańerteń jáne kúndiz ekpini 15 m/s-qa jetedi.

Kúndiz Aqtóbe oblysynyń soltústiginde qatty jańbyr jaýýy yqtımal. Kúndiz oblystyń batysynda, ońtústiginde, soltústiginde naızaǵaı oınaıdy, soltústiginde burshaq jaýady. Túnde batysynda tuman túsedi. Batystan, ońtústik-batystan jel soǵady. Túnde oblystyń ońtústiginde, batysynda, kúndiz batysynda, ońtústiginde, ortalyǵynda jeldiń ekpini 15-20 m/s-qa jetedi. Aqtóbe qalasynda kúndiz kún kúrkireıdi.

Túnde Atyraý oblysynyń soltústiginde, batysynda jáne ortalyǵynda , kúndiz basym bóliginde kún kúrkireıdi. Batystan, soltústik-batystan jel soǵady, oblystyń basym bóliginde jeldiń ekpini – 15-20 m/s. Atyraý qalasynda kúndiz keı ýaqyttarda naızaǵaı oınaıdy. Batystan, soltústik-batystan jel soǵady, kúndiz ekpini – 15-20 m/s.

ShQO Jarma aýdanynda órttiń tótenshe joǵary dárejesi kútiledi.

Kúndiz Batys Qazaqstan oblysynyń ońtústiginde, batysynda qatty jańbyr jaýady. Batysynda, soltústiginde naızaǵaı oınaıdy. Jel soltústik-batystan, batystan soǵady, kúndiz oblystyń batysynda, shyǵysynda jeldiń ekpini – 15-20 m/s. Oral qalasynda kúndiz kún kúrkireıdi.

Qostanaı oblysynyń ortalyǵynda, shyǵysynda naızaǵaı, daýyl, burshaq kútiledi. Ońtústik-batystan jel soǵady, túnde oblystyń shyǵysynda 15-20, kúndiz basym bóliginde 15-20, oblystyń shyǵysynda jeldiń ekpini – 23-28 m/s. Qostanaı qalasynda ońtústik-batystan jel soǵady, kúndiz ekpini 15-20 m/s-qa jetedi.

Kúndiz Qyzylorda oblysynyń soltústigin shańdy daýyl basady. Jel shyǵystan, ońtústik-shyǵystan soǵady, kúndiz oblystyń soltústiginde kúshi 15-20 m/s-qa jetedi. Oblystyń ortalyǵynda, Qyzylorda qalasynda tótenshe órt qaýpi saqtalady.

Kúndiz Mańǵystaý oblysynyń soltústiginde, batysynda, shyǵysynda naızaǵaı, burshaq, daýyl, shańdy daýyl kútiledi. Ońtústik-shyǵystan soǵatyn jel soltústik-batysqa aýysady. Túnde oblystyń soltústiginde jeldiń jyldamdyǵy 15-20 m/s, kúndiz oblystyń basym bóliginde 15-20, ekpini 23 m/s-qa jetedi. Aqtaý qalasynda naızaǵaı, shańdy daýyl kútiledi. Ońtústik-shyǵystan soǵatyn jel soltústik-batysqa aýysady, kúndiz ekpini 15-20 m/s-qa jetedi.

Nur-Sultan qalasyn kúndiz shańdy daýyl basady. Ońtústik-batystan jel soǵady, tańerteń jáne kúndiz ekpini – 15-20 m/s.

Kúndiz Pavlodar oblysynda batystan jel soǵady. Oblystyń batysynda, soltústiginde, ortalyǵynda ekpini 15-20 m/s-qa jetedi. Pavlodar qalasynda kúndiz batystan jel soǵady, ekpini – 18 m/s.

Kúndiz Soltústik Qazaqstan oblysynyń basym bóliginde jańbyr jaýady. Oblystyń soltústiginde, batysynda, shyǵysynda naızaǵaı, daýyl, burshaq kútiledi. Ońtústik-batystan, batystan jel soǵady, kúshi – 15-20 m/s, kúndiz ekpini – 23-28 m/s. Petropavl qalasynda naızaǵaı, daýyl kútiledi. Ońtústik-batystan, batystan jel soǵady, kúshi –15-20 m/s, kúndiz ekpini – 23-28 m/s.

Túrkistan oblysynyń taýlarynda naızaǵaı, daýyl kútiledi. Shyǵystan jel soǵady, naızaǵaı kezinde ekpini –15-20 m/s.


Basty sózder: Ekologııa, Aýa raıy,
Joǵary qaraı