Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Elimizdegi jarnalamalarda memlekettik tildegi mátin mindetti bolady

2021 jyldyń 24 aqpan 2021 12:14

NUR-SULTAN. QazAqparat – Qazaqstanda ilingen jarnamalarda memlekettik tildegi mátin mindetti bolýy kerek. Osy oraıda bannerler, mańdaıshalar, habarlandyrýlar, jarnama, baǵa kórsetkishterine qatysty osyndaı talap engiziledi, dep habarlaıdy QazAqparat tilshisi.

Aıta keteıik, búgin Parament Májilisiniń jalpy otyrysynda «Qazaqstan Respýblıkasynyń keıbir zańnamalyq aktilerine kórneki aqparat máseleleri boıynsha ózgerister men tolyqtyrýlar engizý týraly» zań jobasy birinshi oqylymda maquldandy.

Zań jobasy boıynsha baıandama jasaǵan QR Mədenıet jəne sport mınıstri Aqtoty Raıymqulova kórneki aqparat quraldary (bannerler, mańdaıshalar, habarlandyrýlar, jarnama, baǵa kórsetkishteri jáne t.b.) eldegi qoǵamdyq-saıası, áleýmettik-ekonomıkalyq jaǵdaıǵa áser etetin mańyzdy quraldar bolyp sanalatynyn aıtty.

Derektemeler men kórneki aqparat mátinderin orfografııa normalaryna sáıkes jazý talaby qazaq tilindegi mátinderdiń sapasyz jazylýyna, orfografııalyq qatelerge jol bermeýge baǵyttalǵan.

«Qujatty bekitýden kútiletin nátıjege toqtalsaq, memlekettik tildiń kórneki aqparatta mindetti túrde qoldanylýyn qamtamasyz etý, derektemeler men kórneki aqparat mátinderin orfografııa normalaryna sáıkes jazýdy qamtamasyz etý, mátinderdiń eki tilde teńtúpnusqalylyǵyn saqtap jazýdy qamtamasyz etý.Zań jobasyn qabyldaý elimizdegi til saıasatyn tıimdi iske asyrýǵa yqpal etetin bolady, teris quqyqtyq jáne áleýmettik-ekonomıkalyq saldarǵa ákep soqtyrmaıdy», - dedi A. Raıymqulova.

Onyń aıtýynsha, kórneki aqparatty ashyq keńistikte jáne ǵımarattar ishinde zańnamada belgilengen tártippen memlekettik organdarmen qatar kez kelgen kásipkerlik sýbektileri júzege asyra alady. Kásipkerlik sýbektileri kórneki aqparatty óz ónimi men qyzmetin ilgeriletý quraly retinde paıdalanady.

«Memlekettik organdarǵa azamattardan kórneki aqparatty ornalastyrý kezinde til týraly zańnama talaptarynyń buzylýyna baılanysty shaǵymdardyń kóptep túsýi oryn alýda. Osy oraıda memlekettik tildegi kórneki aqparattyń bolmaýyn azamattar Qazaqstan Respýblıkasy Konstıtýtsııasynyń 14-babynda bekitilgen óz quqyqtaryna qysym jasaý dep sanaıdy», - dedi mınıstr.


Avtor Rýslan Ǵabbasov
Basty sózder: Parlament, Májilis, Til, Zań,
Joǵary qaraı