Aýa raıy
Astana 17 °S
Almaty 16 °S
valıýta baǵamy
USD 412.55
EUR 468.66
RUB 5.79
CNY 58.80

Elimizde úsh kúnde 7 bala sýǵa ketti

2020 jyldyń 7 shilde 2020 11:34

NUR-SULTAN. QazAqparat – Demalys jáne mereke kúnderi Aqtóbe, Atyraý, Almaty, Shyǵys Qazaqstan, Batys Qazaqstan, Qostanaı, Qyzylorda oblystaryndaǵy sý aıdyndarynda 15 adam sýǵa batyp ketti, olardyń 7-eýi – bala. Barlyq jaǵdaıda balalar úlkenderdiń qaraýynsyz qalǵan. Bul týraly QazAqparat agenttigi QR ІІM TJK baspasóz qyzmetine silteme jasap habarlaıdy.

Bir bala qudyqqa qulap ketken. Pavlodar oblysy Sharbaqty aýdany Esilbaı aýylynda jeke turǵyn úıge qarama-qarsy sý qubyry qudyǵyna (tereńdigi – 3 metr, 1,5 metri sýmen toltyrylǵan) eresekterdiń qaraýynsyz qalǵan 2018 jyly týǵan bala qulap, tunshyǵyp qalǵan.

Aqtóbe oblysy Alǵa aýdany Qaraqobda aýylynyń shetindegi Qaraqobda ózenine 2008 jyly týǵan jetkinshek batyp ketti.

Atyraý oblysy Qyzylqoǵa aýdany Muqur aýylynan 45 shaqyrym jerdegi Saǵyz ózeninde 2005 jyly týǵan jasóspirim sýǵa ketti.

Almaty oblysy Eńbekshiqazaq aýdany BAK 753 Túrgen Dıýker shlıýz arnasynda 2005 jyly týǵan jetkinshek kóz jumdy.

Almaty oblysy Jambyl aýdany Úmbetáli aýylynan 0,1 shaqyrym jerdegi toǵanǵa 2010 jyly týǵan qyz bala batyp ketken. Qutqarýshylar kelgenshe kýágerler onyń 2008 jyly týǵan ákpesin qutqaryp qalǵan. Eki qyz toǵanda úlkenderdiń qaraýynsyz shomylǵan.

Batys Qazaqstan oblysy Oral qalasy aýmaǵyndaǵy Rybtseh aýylynyń shetindegi Shaǵan ózeninde 2014 jyly týǵan baldyrǵan mert boldy.

Oraldaǵy Jelaevo eldi mekeniniń mańyndaǵy jasandy sý aıdynynda 2004 jyly týǵan bozbala sýǵa batty.

Baıqońyr qalasynyń janyndaǵy Syrdarııa ózenine 2007 jyly týǵan qyz batyp ketti.

ІІM TJ komıteti sý aıdyndaryndaǵy qaýipsizdik erejelerin saqtaýǵa shaqyrady.











Joǵary qaraı