Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elimizde tomografııa qyzmetterin tegin kórsetý kólemi ósti

2021 jyldyń 28 qarasha 2021 17:13

NUR-SULTAN. QazAqparat – Elimizde kompıýterlik jáne magnıttik-rezonanstyq tomografııa qyzmetterin tegin kórsetý kólemi artty. Bul jaıynda «Áleýmettik medıtsınalyq saqtandyrý qory» KEAQ Nur-Sultan qalalyq fılıalynan málim etti, dep habarlaıdy QazAqparat tilshisi.

«Qazirgi tańda MÁMS júıesi arqyly kóptegen medıtsınalyq qyzmetterdi alý qoljetimdi. Elimizde onkologııalyq jáne júrek-qan tamyrlary aýrýlarynyń aıtarlyqtaı joǵary kórsetkishterin, sondaı-aq koronavırýstyq ınfektsııasymen aýyrǵan naýqastar kórsetkishin eskersek, kompıýterlik jáne magnıttik-rezonanstyq tomografııa qyzmetteriniń azamattardyń dıagnostıkalyq tekserýden ótýi úshin qanshalyqty suranysqa ıe ekendigi belgili. Bıyl osy KT/MRT boıynsha qyzmet kórsetýshiler sany 26 jáne 21paıyzǵa artty», - dep atap ótediqor fılıalynan.

Mindetti áleýmettik medıtsınalyq saqtandyrý júıesin engizgenge deıin KT jáne MRT qyzmetterin usyný turaqty túrde qarjylandyrylmaıtyn. Óz aımaǵynyń aýrýhanasynda nemese emhanasynda kezekte turǵan azamattar KT nemese MRT-dan ótý múmkindigin keıde birneshe aılar boıy kútetin. Al 2020 jyly KT boıynsha Áleýmettik medıtsınalyq saqtandyrý qorynyń qyzmet kórsetýshileri 135 medıtsınalyq uıym bolsa, bıyl 190 medıtsınalyq uıym bar. Ótken jyly MRT qyzmetin jetkizýshiler sany 95 bolsa, bıylǵy jyly 121 medıtsınalyq uıym osy dıagnostıka boıynsha qyzmet kórsetedi.

«Bul úrdis aldaǵy jyldary da jalǵasady, óıtkeni Qor olardy naryqqa jaqyndatý jáne jeke qyzmet jetkizýshilerdi tartý maqsatynda tólem tarıfterin kóterýdi qoldaıdy. Qazir kóptegen eldi mekenderde KT/MRT jeke kabınetteri ashylýda, olardyń keıbireýleri qyzmetterge degen joǵary suranysty eskere otyryp, táýlik boıy jumys isteıdi. Nur-Sultan qalasynda MÁMS júıesinde KT qyzmetteri boıynsha 17 medıtsınalyq uıym jáne MRT boıynsha 11 medıtsınalyq uıym jumys jasaıdy», - delingen taratylǵan aqparatta.


Avtor Marlan Jıembaı
Basty sózder: Nur-Sultan, Medıtsına,
Joǵary qaraı