Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elimizde salyq tólenbeı jalǵa beriletin 12 myń páter anyqtaldy

2021 jyldyń 6 jeltoqsan 2021 11:39

NUR-SULTAN. QazAqparat – Elimizde salyq tólenbeı jalǵa beriletin 12 myń páter anyqtaldy. Bul týraly QR Іshki ister mınıstrliginiń resmı ókili Nurdildá Oraz málim etti, dep habarlaıdy QazAqparat tilshisi.

«Osy jyldyń qyrkúıek aıynan jeltoqsanǵa deıin júrgizilgen «Ýchaske» jedel aldyn alý is-sharasy aıaqtaldy. Ol quqyq buzýshylyqtardyń aldyn alýǵa, sondaı-aq halyq qaýipsizdiginiń problemalyq máselelerin zerdeleýge jáne odan ári sheshýge baǵyttalǵan. Operatsııa kezinde ýchaskelik polıtsııa ınspektorlary bekitilgen ákimshilik ýchaskelerde halyqpen tanysý, qarý ıelerin, ishki ister organdarynda esepte turǵan sheteldikter men azamattardy tekserý úshin aýlalardy jáne páterlerdi aralap shyqty. Sonymen qatar, problemalyq máselelerdi zertteý jáne sheshý úshin turǵydarmen kezdesýler ótkizildi», - dedi resmı ókil ІІM baspasóz alańynda ótken brıfıng barysynda.

Onyń atap ótýinshe, aldyn alý is-sharasynyń 2 aıynda polıtsııa qyzmetkerleri 5 mıllıonǵa jýyq páter men jeke úılerdi aralap, 300 myńnan astam saıajaı men 60 myńǵa jýyq sharýa qojalyǵyn, qystaq, sharýashylyq oryndaryn tekserdi.

«Jalǵa beriletin 100 myńǵa jýyq páter tekserildi. Tekserý barysynda Memlekettik kirister organdarynda tirkelmegen turǵyn úıdi jalǵa berýdiń 12 myńǵa jýyq faktisi anyqtaldy», - dedi Nurdildá Oraz.


Avtor Marlan Jıembaı
Basty sózder: Turǵyn úı, QR ІІM, Salyq,
Joǵary qaraı