Aýa raıy
Astana 8 °S
Almaty 10 °S
valıýta baǵamy
USD 421.58
EUR 496.83
RUB 5.53
CNY 62.20

Elimizde pedagogtar men stýdentter tsıfrlandyrý baǵytynda aqysyz oqytyldy

2020 jyldyń 9 tamyz 2020 12:56

NUR-SULTAN. QazAqparat - Elbasy akademııasy negizindegi «Birge oqý» jobasynyń ujymy muǵalimder men pedagogıkalyq ýnıversıtterdiń stýdentterine tegin onlaın kýrs uıymdastyrdy, dep habarlaıdy QazAqparat.

Tórt kúndik kýrs «Áriptesterińizdiń arasynda tsıfrly mentor bolyp, óz bilimińizben bólisińiz!» uranymen 2020 jyldyń 29 shildesinde bastaý aldy. Qashyqtan oqytý taqyrybyna arnalǵan kýrs 2 myńnan astam muǵalim men pedagogıkalyq ýnıversıtettiń stýdentterin qamtyp shyqty.

«Karantın barlyq uıymdardyń josparlaryna túzetýler engizdi. Bilimniń qashyqtan oqytý formatyna aýysatyny belgili bolǵan kezde, biz osy qıyn kezeńde pedagogtardy qoldaý múmkindigin izdeýge tyrystyq. Osylaısha «Birge oqý» pikirtalas alańy negizinde alǵashqy oqytý kýrsynyń ıdeıasy paıda boldy. Joba muǵalimderge qashyqtan oqytýdyń jańa tehnologııalary men resýrstaryn ıgerýge, ata- analarǵa jańa múmkindikter týraly kóbirek bilýge jáne yqtımal qaýipterdi joıýǵa, oqýshylarǵa - sapaly bilimge qol jetimdilikti keńeıtýge kómektesedi. Munyń bári eldiń kez kelgen turǵyny úshin tegin jáne qoljetimdi», - dedi «Elbasy Akademııasy» KQ basshysynyń orynbasary Ánýar Janǵozın.

Onyń sózine qaraǵanda, «Birge oqý» pikirtalas alańynyń jumysy otandyq jáne sheteldik sarapshylardy, bilim berýdiń barlyq deńgeıindegi pedagogtardy biriktirdi. Al oqytý beıne jazbalaryn 190 myńǵa jýyq adam qarady.

«Bizdiń jattyqtyrýshylar qashyqtan bilim berý rejıminde sabaqtardy tıimdi ótkizýdiń negizgi quraldaryn aıtyp, kórsetti. Biz ártúrli jaǵdaılardy taldadyq, olardy paıdalaný mysaldarymen eń tanymal ádister týraly tikeleı efırlerde sholý jasadyq. Jańa oqý jyly qarsańynda biz jobadaǵy qyzmetter tizbegin keńeıttik. Ótken aptada «Tsıfrly mentor» kýrsy bastaldy, ol tórtinshi toqsan kezindegi basty jumys tájirıbesin, atap aıtqanda osy ádiske baǵyttalǵan tásildi qamtydy», - dedi ol.

Belgili bolǵandaı, 4 kún ishinde pedagogtar daıyn quraldardy alyp qana qoımaı, SAMR modeli boıynsha qashyqtan oqytý ádistemesimen tanysty.

Aýyldyq jerlerde kreatıvti beıne-sabaqtardy smartfondar arqyly jasaı aldy. Kýrs sońynda olar óz páni boıynsha onlaın kýrs úshin oqý josparyn quryp, onda bilimdi baǵalaý jáne oqýshylarmen keri baılanys jasaý quraldaryn qosa aldy. Kýrsqa 2 myńnan astam adam qatysty.


Avtor Rýslan Ǵabbasov
Basty sózder: Qoǵam, Bilim,
Joǵary qaraı