Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Elimizde paıdaly qazbalardy óndirý salyǵynyń kólemi artady

2022 jyldyń 25 mamyr 2022 11:00

NUR-SULTAN. QazAqparat – Elimizde paıdaly qazbalardy óndirý salyǵynyń kólemi artady. Bul týraly Májilistiń jalpy otyrysynda Salyq kodeksine ózgerister engizý jónindegi qujatty qaraý kezinde Ulttyq ekonomıka mınıstri Álibek Qýantyrov málim etti, dep habarlaıdy QazAqparat tilshisi.

«Birinshi mindet – tabıǵı resýrstardy óndirýden túsetin kiristi kúsheıtý.

Qatty paıdaly qazbalar baǵasynyń dınamıkasy taldandy. Máselen, 2018-2022 jyldar kezeńinde bırjalyq metaldar baǵasy 40 paıyzdan joǵary ósim kórsetti. Bırjadan tys paıdaly qazbalar (temir keni, hrom keni, marganets jáne t.b.) orta eseppen 20% -dan 40%-ǵa deıin ósti. Osyny eskere otyryp, bırjalyq metaldar boıynsha paıdaly qazbalardy óndirý salyǵynyń (PQÓS) mólsherlemelerin 50 paıyzǵa, al qalǵan qatty paıdaly qazbalar boıynsha 30%-ǵa ulǵaıtý usynylady», - dedi Álibek Qýantyrov.

Onyń aıtýynsha, salyq júktemesin ulǵaıtýmen qatar, geologııalyq barlaýdy jáne jańa ken oryndaryn ashýdy yntalandyrý boıynsha qadamdar eskerilgen.

«Halyqaralyq tájirıbeni eskere otyryp, rentabeldilik deńgeıi 15 paıyzǵa (IRR) jetkenge deıin, barlaý jáne óndirý 2023 jylǵy 1 qańtardan keıin bastalatyn jańa ken oryndary boıynsha paıdaly qazbalardy óndirý salyǵynan bosatý usynylady», - dedi mınıstr.


Avtor Rýslan Ǵabbasov
Basty sózder: Salyq, Zań, Májilis,
Joǵary qaraı