Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elimizde ortasha jalaqyny esepteý tásili ózgeredi

2021 jyldyń 15 qazan 2021 13:52

NUR-SULTAN. QazAqparat – QR Eńbek jáne halyqty áleýmettik qorǵaý mınıstrligi ortasha jalaqyny esepteýdiń biryńǵaı erejelerine ózgerister engizetin buıryq jobasyn «Ashyq úkimet» portalyna shyǵardy, dep habarlaıdy QazAqparat tilshisi.

Eń alǵashqy ógertý qoldanystaǵy qujattyń 7-tarmaǵyna engizilmekshi.

«Qyzmetkerdiń ortasha jalaqysy ortasha kúndik (saǵattyq) jalaqyny bes kúndik nemese alty kúndik jumys aptasyndaǵy jumys ýaqytynyń balansyna qaraı oqıǵa kezeńine sáıkes keletin jumys kúnderiniń (jumys saǵattarynyń) sanyna kóbeıtý jolymen esepteledi», - delingen buıryq jobasynda.

Osylaısha, jumys ýaqytynyń jıyntyq esebi qyzmetkerdiń ortasha jalaqysy ortasha saǵattyq jalaqyny ortasha jyldyq jumys saǵattarynyń sanyna kóbeıtý jolymen esepteledi

Ortasha jalaqyny esepteý kezinde eskerilmeıtin tólemderge mynalar jatady:

- jyl saıynǵy aqyly eńbek demalysynyń paıdalanylmaǵan bóligi úshin beriletin ótemaqy;

- eńbekke ýaqytsha qabiletsizdigi boıynsha áleýmettik járdemaqy, sondaı-aq jumys berýshi belgileıtin áleýmettik járdemaqy mólsherine qosymsha tólemder;

- eńbek demalysyn berý kezinde qyzmetkerlerge tólenetin jyl saıynǵy eńbek demalysy;

- qyzmettik issaparlarǵa jiberý ótemaqylary;

- turaqty jumysy jolda ótetin nemese júrip-turý sıpaty bar ne qyzmet pen baılanysty ótemaqy tólemder;

- dalalyq jumystarmen aınalysatyn qyzmetkerlerge dalalyq jabdyqtalym;

- qyzmetker jumys berýshimen birge basqa jerge jumysqa aýysqan nemese kóshken kezde tólenetin ótemaqy;

- taraptardyń kelisimi negizinde qyzmetkerdiń (jeke tulǵanyń) jeke múlkin jumys babyna paıdalaný kezindegi shyǵystardy óteý;

- berilgen súttiń nemese oǵan teńestirilgen tamaq ónimderiniń nemese dıetalyq (emdik jáne profılaktıkalyq) tamaqtanýǵa, arnaıy kıimge jáne basqa da jeke qorǵanysh quraldaryna arnalǵan mamandandyrylǵan ónimderdiń quny;

- qyzmetker eńbek mindetterin atqarǵan kezde onyń ómiri men densaýlyǵyna keltirilgen zııandy óteý jónindegi tólemder (joǵaltylǵan jalaqysy bóligindegi tólemderden basqa);

- qyzmetkerlerge jumys berýshi kórsetetin materıaldyq kómek (aqshalaı járdemaqy) (bala týǵan kezde, medıtsınalyq qyzmetterge aqy tóleý úshin, jerleýge jáne basqa da jaǵdaılarda), sondaı-aq jumys berýshiniń qarajaty esebinen ujymdyq shartta nemese jumys berýshiniń aktisinde qosymsha kózdelgen ótemaqylar men áleýmettik kepildikterdi tóleý;

- birjolǵy kótermeleý tólemderi (birjolǵy aqshalaı syıaqyny qosa alǵanda);

- jumys berýshiniń kinásinen jalaqy tóleý keshiktirilgen kezde jáne mindetti zeınetaqy jarnalaryn ýaqtyly aýdarmaǵany úshin jumys berýshi jumyskerge tóleıtin ósimpuldar;

- jumys berýshiniń qyzmetkerlerdi oqytýǵa jáne olardyń biliktiligin arttyrýǵa baılanysty shyǵystary;

- sporttyq baıqaýlarda, konkýrstarda jáne jarystarda júldeli oryndar úshin beriletin aqshalaı nagradalar;

- qyzmetkerge memlekettik jáne qoǵamdyq mindetterdi oryndaý orny boıynsha tólengen jalaqy;

- Eńbek kodeksiniń 72-babyna sáıkes kúndelikti jumysty (jumys aýysymyn) bólikterge bólý kezinde jumyskerlerge jumysy úshin ótemaqy tólemderi;

- balany tamaqtandyrýǵa arnalǵan úzilister ýaqytynda saqtalatyn ortasha jalaqy;

- bos turyp qalǵan jaǵdaıda qyzmetkerlerge tólengen somalar.

«QR qoldanystaǵy Eńbek kodeksinde aýysymdyq jáne vahtalyq ádispen jumys isteıtin jumyskerlerge olardyń aýysymaralyq, vahtaaralyq demalysyna eńbek demalysyn berýge tyıym salynbaǵan. Osyǵan baılanysty, ártúrli jumys rejımderi bar jumyskerlerde eńbek demalysy kezeńine keletin jumys saǵattaryn esepteý kezinde teńgerimsizdikke jol bermeý úshin ortasha jalaqyny esepteý kezinde jumys saǵattarynyń ortasha jyldyq sanyn alǵan jón», - dep jazylǵan jobanyń túsindirmesinde

Buıryq jobasy 28 qazanǵa deıin «Ashyq NQA» portalynda talqylanady.


Joǵary qaraı