Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elimizde ónerkásiptik-ınnovatsııalyq jobalarǵa qandaı qoldaý jasalady

2021 jyldyń 6 qazan 2021 11:30

NUR-SULTAN. QazAqparat – 3 paıyzdan aspaıtyn mólsherleme boıynsha ónerkásiptik-ınnovatsııalyq jobalarǵa jeńildikpen nesıe berilmek. Bul týraly Májilistiń jalpy otyrysynda tıisti zań jobasyn birinshi oqylymda qaraý kezinde QR Indýstrııa jáne ınfraqurylymdyq damý mınıstri Beıbit Atamqulov aıtty, dep habarlaıdy QazAqparat tilshisi.

«Zań jobasynda sondaı-aq Ónerkásipti damytý qorynyń jumys isteý máseleleri rettelgen. Qor jabdyqtardy satyp alýǵa lızıngtik qarjylandyrý, sondaı-aq 3 paıyzdan aspaıtyn mólsherleme boıynsha ónerkásiptik-ınnovatsııalyq jobalarǵa jeńildikpen kredıt berý sııaqty yntalandyrý is-sharalarynyń operatory bolady. Ónerkásiptik saıasatty iske asyrý monıtorıngi ónerkásiptik-ınnovatsııalyq jobalardyń tizbesin aıqyndaıtyn Biryńǵaı ındýstrııalandyrý kartasy arqyly júrgiziletin bolady. Bul karta – qoldanystaǵy respýblıkalyq jáne óńirlik ındýstrııalandyrý kartalarynyń biriktirilgen jańa túri», - dedi B. Atamqulov.

Onyń aıtýynsha, Biryńǵaı ındýstrııalandyrý kartasy jobalardy iske asyrý protsesin ortalyqtandyryp qadaǵalaýǵa jáne týyndaǵan problemalarǵa ýaqtyly den qoıýǵa múmkindik beredi. Ónerkásiptik saıasatty qalyptastyrý jáne iske asyrý protsesine júıelilik pen keshendilik berý úshin qajetti quraldar jıyntyǵy quryldy.

Atap aıtqanda, Indýstrııalyq damýdy baǵalaý – ónerkásiptiń damýyna áser etetin quqyqtyq, ekonomıkalyq, qarjylyq jáne ózge de faktorlardy taldaýdy kózdeıtin jańa qural.

Yntalandyrý sharalaryn iske asyrýdyń tıimdiligin baǵalaý qoldaý jáne tıimdiligi áseri tómen yntalandyrý sharalaryn anyqtaýǵa múmkindik beredi, olar qaıta qaralady nemese múldem alynyp tastalynady.

Budan buryn habarlanǵandaı, ónerkásiptik saıasat aıasynda bıznes úshin yntalandyrýdyń 20-ǵa jýyq is-sharalary qoljetimdi bolady.



Joǵary qaraı