Aýa raıy
Astana 4 °S
Almaty 4 °S
valıýta baǵamy
USD 421.58
EUR 496.83
RUB 5.53
CNY 62.20

Elimizde myńnan asa adam iz-tússiz joǵalǵan - ІІM

2020 jyldyń 21 qyrkúıek 2020 12:03

NUR-SULTAN. QazAqparat – Qazaqstanda 1200 adam iz-tússiz joǵalǵandar sanatynda tur. Bul týraly QR ІІM Krımınaldyq polıtsııa departamentiniń basshysy Dýman Taev aıtyp berdi, dep habarlaıdy QazAqparat tilshisi.

«Qazrigi ýaqytta 1200 adam iz-tússiz joǵalǵandar sanatynda tur. Onyń ishinde 22 bala bar. Ásirese er adamdar kóbirek joǵalady, bul olardyń ózge óńirlerge qyzmettik issaparlaryna, maýsymdyq jumystaryna jáne kólik tasý, júk tasý syndy túrli reısterine baılanysty», - dedi departament basshysy mınıstrlik uıymdastyrǵan aptalyq brıfıngte.

Onyń aıtýynsha, áıelder arasynda kóp jaǵdaıda spırttik ishimdikke salynǵandar joǵalady.

«Turmysy qolaısyz otbasylardan shyqqan jasóspirimder de joǵalady. Onda ata-anamen renjisý, olardyń únemi spırttik ishimdik ishkeni úshin urysý negizgi sebep bolýy múmkin», - dep túsindirdi D. Taev.

Tájirıbege sáıkes, 100 oqıǵanyń shamamen 80-inde joǵalǵan azamattar tabylady jáne týystaryna oralady.

«Іri qalalarda jas qyzdardy jezókshelikpen aınalysýǵa úgitteıdi jáne seksýaldyq qyzmet kórsetýge májbúrleıdi. Eńbekti qanaý boıynsha azamattardy syrtqa alyp shyǵyp, aýyldyq jerlerde eńbek etýge kóndiredi. Mundaı qylmystar barlyq oblystardan anyqtalady», - dedi Dýman Taev.


Avtor Aıjan Serikjanqyzy
Basty sózder: Qoǵam, QR ІІM,
Joǵary qaraı