Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elimizde múgedektigi bar adamdardyń quqyǵyn qorǵaý boıynsha zańnamaǵa ózgerister engizilmek

2021 jyldyń 23 shilde 2021 09:47

NUR-SULTAN. QazAqparat - Qazaqstanda múgedektigi bar adamdardyń quqyǵyn qorǵaý boıynsha zańnamaǵa kezekti túzetýler qabyldaý josparlanýda. Bul týraly QazAqpara Eńbek mınıstrligine silteme jasap habarlaıdy.

Memleket basshysynyń tapsyrmasy aıasynda, QR Eńbek jáne halyqty áleýmettik qorǵaý mınıstrligi, múgedektigi bar adamdarǵa qatysty kemsitýshilikti joıýǵa baǵyttalǵan «Múgedekterdiń quqyqtary týraly konventsııaǵa Fakýltatıvtik hattamany ratıfıkatsııalaý týraly» zań jobasyna qatysty jumys júrgizýde.

Bul qujat Qazaqstan 2015 jylǵy 20 aqpanda ratıfıkatsııalaǵan BUU Múgedekterdiń quqyqtary týraly konventsııasyna (budan ári – Konventsııa) qosymsha kelisim bolyp tabylady.

Konventsııaǵa sáıkes, ony ratıfıkatsııalaǵan memleketter múgedektigi bar adamdardyń jetkilikti ómir súrý deńgeıin qamtamasyz etý jáne olardy áleýmettik qorǵaý úshin barlyq sharalardy, onyń ishinde zańnamalyq sharalardy qabyldaýy tıis.

Qazirgi ýaqytta zań jobasy memlekettik organdarda kelisý rásiminen ótýde.

«Fakýltatıvtik hattamany ratıfıkatsııalaý Qazaqstan Respýblıkasynyń azamattaryna ózderiniń ekonomıkalyq, áleýmettik jáne mádenı quqyqtaryn halyqaralyq qorǵaýǵa quqyq beredi. Hattama Konventsııada bekitilgen osy quqyqtar buzylǵan jaǵdaıda jeke shaǵymdardy qaraý tetigin belgileıdi. Osyǵan uqsas tetikter Azamattyq jáne saıası quqyqtar týraly halyqaralyq paktide, Áıelderge qatysty kemsitýshiliktiń barlyq túrin joıý týraly konventsııada jáne Násildik kemsitýshiliktiń barlyq túrin joıý týraly konventsııada kózdelgen», – dep atap ótti QR eńbek jáne halyqty áleýmettik qorǵaý vıtse-mınıstri Erlan Áýkenov.

Fakýltatıvtik hattamany ratıfıkatsııalaý kezinde taraptar BUU janyndaǵy Múgedektigi bar adamdardyń quqyqtary jónindegi komıtettiń Konventsııa boıynsha óz quqyqtarynyń buzylǵanyn málimdeıtin jekelegen adamdardyń nemese toptardyń shaǵymdaryn qaraý quzyretin tanýǵa kelisedi. Komıtet qatysýshy memleketten aqparat surata alady jáne oǵan usynymdar bere alady. Budan basqa, taraptar Komıtetke Konventsııada bekitilgen quqyqtardyń «eleýli nemese júıeli buzylýyn» tekserýge, olar týraly habarlaýǵa jáne usynymdar berýge ruqsat etýi múmkin.

Zań jobasyn qabyldaý teris áleýmettik-ekonomıkalyq jáne quqyqtyq saldarǵa ákep soqtyrmaıdy, sondaı-aq respýblıkalyq bıýdjetten qosymsha qarjylyq shyǵyndardy talap etpeıdi.

Eske sala ketsek, 2006 jylǵy 13 jeltoqsanda, barlyq múgedekterdiń barlyq adam quqyqtary men negizgi bostandyqtaryn tolyq jáne teń júzege asyrýyn kótermeleý, qorǵaý jáne qamtamasyz etý, sondaı-aq olarǵa tán qadir-qasıetti qurmetteýdi kótermeleý maqsatynda Múgedekterdiń quqyqtary týraly konventsııany jáne Múgedekterdiń quqyqtary týraly konventsııaǵa Fakýltatıvtik hattamany BUU Bas Assambleıasyqabyldaǵan bolatyn.

Qazirgi ýaqytta 97 memleket Konventsııaǵa qatysýshy bolyp tabylady, olardyń ishinde taıaý shet elder – Ázirbaıjan, Armenııa, Mońǵolııa jáne Ýkraına.


Joǵary qaraı