Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elimizde lastaný deńgeıi joǵary 10 qala anyqtaldy

2021 jyldyń 16 qyrkúıek 2021 16:57

NUR-SULTAN. QazAqparat – Elimizde aýasy las 10 qala ataldy. QR Ekologııa, geologııa jáne tabıǵı resýrstar mınıstrligi Ekologııalyq retteý jáne baqylaý komıtetiniń tóraǵasy Zulfuhar Joldasov elimiz boıynsha lastaný deńgeıi joǵary qalalardy atap berdi, dep habarlaıdy QazAqparat tilshisi.

«Memleket basshysy Qazaqstan halqyna Joldaýynda elimizdegi ekologııalyq problemalarǵa, ásirese aýa sapasyna basa nazar aýdarýdy tapsyrdy. Osy oraıda neǵurlym lastanǵan 10 qalany gazdandyrý jáne balamaly energııa kózderine kóshirý qajet. Qazgıdromettiń ekologııalyq monıtorıngine sáıkes, ótken jyldyń qorytyndysy boıynsha 45 ónerkásibi bar 10 qala atmosferalyq aýanyń joǵary lastaný deńgeıine jatatyny kórsetildi. Bul Nur-Sultan, Almaty, Qaraǵandy, Temirtaý, Atyraý, Aqtóbe, Balqash, Óskemen, Jezqazǵan jáne Shymkent qalasy», - dedi Z. Joldasov OKQ-de ótken baspasóz máslıhatynda.

Sonymen qatar komıtet basshysy respýblıkalyq mańyzy bar qalalardaǵy aýanyń lastaný saldaryn atap berdi.

«Máselen, Almaty jáne Nur-Sultan qalalarynda lastanýdyń negizgi paıyzy jylý kózderine (qazandyqtar), avtokólik pen jeke sektorlarǵa tıesili. Óskemen jáne Temirtaý qalasynda emıssııalardyń eń kóp kólemi ónerkásipke tıesili. Al Aqtóbe jáne Atyraý qalasy boıynsha eskirgen káriz júıesi aýanyń lastanýyna ákelip otyr», - deıdi ol.


Avtor Álı Ibraev
Basty sózder: Ekologııa, Basqa memorgandar,
Joǵary qaraı