Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elimizde kúzgi áskerge shaqyrý naýqany qalaı júrip jatyr

2021 jyldyń 17 qazan 2021 17:37

NUR-SULTAN. QazAqparat- Qazaqstanda merzimdi áskerı qyzmetke shaqyrýdyń kúzgi naýqany osy jyldyń sońyna deıin jalǵasady. Qarýly Kúshterdiń, basqa da áskerleri men áskerı qurylymdarynyń qataryn 18 ben 27 jas aralyǵyndaǵy 17 myńǵa jýyq jas tolyqtyrady. Áskerge shaqyrýdaǵy jańashyldyqtar men úmitkerlerdi irikteýdiń erekshelikteri týraly QR Qorǵanys mınıstrligi Uıymdastyrý-jumyldyrý departamentiniń basshysy, polkovnık Sáken Júsipov aıtyp berdi, dep habarlaıdy QazAqparat.

- Qazirgi kezde áskerge shaqyrý naýqany qalaı ótip jatqany jaıynda aıtyp ótseńiz?

- Osy jyldyń 1 qyrkúıeginen bastap Qazaqstannyń barlyq óńirinde aýmaqtyq ákimder orynbasarlarynyń basshylyq etýmen jergilikti atqarýshy organdardyń áskerge shaqyrý, medıtsınalyq komıssııalary óz jumystaryna kiristi. Qoldanystaǵy Zańnamaǵa sáıkes merzimdi áskerı qyzmetke áskerge shaqyrýdy keıinge qaldyrýǵa nemese odan bosatýǵa negizderi joq 18 ben 27 jasqa deıingi er azamatar shaqyrylýǵa tıis ekenin eske salamyn.

- Osy ýaqytqa deıin áskerge neshe azamat shaqyryldy jáne qaı ásker túrine shaqyryldy?

- Qazirgi sátte Ulttyq qaýipsizdik komıtetiniń shekara qyzmetin jáne memlekettik kúzet qyzmet jas býynmen jasaqtaý is-sharalary aıaqtaldy. Endi Qarýly Kúshterdiń áskerı komandalaryn qurýǵa kiristik. Ony qarasha aıynyń ortasynda aıaqtaý josparlanyp otyr. Odan ári Tótenshe jaǵdaılar mınıstrligi men Ulttyq ulannyń bólimderi men mekemelerin jasaqtaýǵa kirisemiz. Áskerge shaqyrý kampanııasyn 31 jeltoqsanda aıaqtaý josparlanýda. Osy jyldyń kúzinde áskerge shaqyrý komıssııalarynyń sheshimderine sáıkes Qarýly Kúshterdiń, basqa da áskerleri men áskerı qurylymdarynyń qataryn 17 myńǵa jýyq áskerge shaqyrylýshy tolyqtyrady.




- Medıtsınalyq tekserýden ótpegen áskerge shaqyrýshylar sany neshe? Jalpy áskerge shaqyrýǵa úmitkerlerdiń densaýlyq jaǵdaıyna qatysty negizgi sebepter qandaı?

- Qazirgi ýaqytta medıtsınalyq qarap tekserý qorytyndysyn shyǵarýǵa áli erte dep oılaımyn. Óıtkeni ol jumys áli jalǵasyp jatyr. Іrikteýdiń negizigi ólshemsharty áskerge shaqyrýshylardyń densaýlyq jaǵdaıy bolyp qalady. Jaǵdaıdy túsiný úshin osy jylǵy kóktemgi áskerge shaqyrý nátıjeleriniń statıstıkasyna toqtalyp óteıin. Kóktemde 80 myńnan astam áskerge shaqyrýshy medıtsınalyq qarap tekserýden ótti. Onyń 80 paıyzdan astamy áskerı qyzmet ótkerýge jaramdy bolyp tanylsa, 10 paıyzy áskerge shaqyrý merziminde em qabyldap jatqandyqtan keıinge qaldyryldy. Al qalǵan 10 paıyzy densaýlyq jaǵdaıy boıynsha áskerge shaqyrylýdan bosatyldy. Endi em qabyldaý úshin áskerge shaqyrý merzimin keıinge qaldyrýdy qajet etetin negizigi aýrýlar: ishqurylys aýrýlary, hırýrgııalyq, nevrologııalyq, kóz aýrýlary. Osyndaı aýrýlar kóp. Onyń bári qazirgi medıtsınalyq tekserý barysynda anyqtalǵan.


- Jalpy áskerge shaqyrý naýqany men áskerge shaqyrý komıssııasynyń jumysynda qandaı jańashyldyqtar bar?

- Ótken áskerge shaqyrý barysymen salystyrǵanda jańalyq engizilgen joq. Bul rette osy jyldyń basynan bastap 2 jańa qyzmet kórsetý túri – bular áskerge shaqyrýdy keıinge qaldyrý jáne áskerge shaqyrýdan bosatý memlekettik qyzmet kórsetý túrleri engizildi. Qazir úıden shyqpaı, elektrondyq úkimet portaly arqyly ótinish bildirgen áskerge shaqyrýshylarǵa «Áskerı qyzmet jáne áskerı qyzmetshilerdiń mártebesi týraly» Zańynyń 35 jáne 36 baptaryn negizge ala otyryp, áskerge shaqyrýdy keıinge qaldyrý nemese odan bosatý beriledi. Qazirgi tańda osy qyzmet túrin on bir jarym myńnan astam adam paıdalandy. Onyń ishinde 10 myńǵa jýyq adam áskerge shaqyrýdy keıinge qaldyrý,1500-ge jýyq adam áskerge shaqyrýdan bosatý quqyǵyn aldy.

- Sáken Saýytbaıuly, jýyrda áleýmettik jelige taraǵan vıdeo arqyly shekara qyzmetindegi áskerı qyzmetshisiniń óziniń minez-qulqy eldiń nazaryn aýdaryp, qorqytty desek te bolady? Sol týraly aıtsańyz?Bundaı jaǵdaı ne sebepten boldy?

- Ony mende kórdim. Ol jaǵdaı boıynsha bizdiń Shekara qyzmetindegi áriptesterimiz bolǵan jaǵdaıdyń mán jaıyn anyqtaý úshin ishki qyzmettik tergeý júrgizip jatyr. Qazirgi ýaqytta áskerı qyzmetshi Shekara qyzmetiniń gospıtalinde tekserýde. Nátıjesin Shekara qyzmeti qoǵamnyń nazaryna jetkizedi dep oılaımyn.

- Ata-analardy qyzyqtyratyn bir suraq bar, jylda qoıylatyn suraq. Qandaı jaǵdaıda áskerge shaqyrýdy keıinge qaldyrady?

- Qoldanystaǵy zańǵa sáıkes áskerge shaqyrýdy keıinge qaldyrý áskerge shaqyrý komıssııanyń sheshimimen beriledi. Bul rette komıssııanyń tóraǵasy ákimniń orynbasary bolyp tabylady. Áskerge shaqyrýdy keıinge qaldyrý otbasy jaǵdaıy boıynsha, bilimin jalǵastyrý úshin, densaýlyǵy jáne basqa da sebepter boıynsha beriledi. Sonymen qatar áskerge shaqyrýdan bosatý men qatar áskerge shaqyrýdy keıinge qaldyrýda elektrondyq úkimet portalynyń «E-lıtsenzııalaý» memlekettik derekter bazasynyń aqparattyq júıesi arqyly beriledi. Áskerge shaqyrý nemese ony keıinge qaldyrý bólimindegi suraqtar boıynsha keńes berý úshin Qorǵanys mınıstrliginde jedel jeli jumys isteıdi. Onda jaýapty laýazymdy adamdar túsinikteme beredi jáne sizderdi tolǵandyratyn barlyq suraqtarǵa jaýap beredi. Qorǵanys mınıstrliginiń saıtynda kórsetilgen telefon nómirleri boıynsha habarlasyp ta keńes alýǵa bolady.

- Sáken Saýytbaıuly, suhbat bergenińizge kóp raqmet!


Joǵary qaraı