Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elimizde qurylys salýda otandyq materıaldardy qoldaný talaby engizildi

2021 jyldyń 12 shilde 2021 17:34

NUR-SULTAN. QazAqparat – Elimizde qurylys nysandaryn salý barysynda otandyq ónimderdi qoldaný mindeti engizildi, dep habarlaıdy QazAqparat tilshisi.

«Memleket basshysynyń tapsyrmasyna sáıkes, qurylys salasynda otandyq ónimniń úlesin arttyrý maqsatynda, bizdiń mınıstrlik normatıvtik-retteý sharasyn qabyldady. Sonyń aıasynda elektrondy reestr quryldy, onda qurylysty salý barysynda qoldanyp jatqan materıaldardyń tizimi kórinip turady. Endigi ýaqytta bıýdjet qarajatyna salynyp jatqan qurylys nysanynda qazaqstandyq qurylys materıalyn qoldaný mindetti talaby zań júzinde engizildi», - dedi QR Indýstrııa jáne ınfraqurylymdyq damý birinshi vıtse-mınıstri Qaıyrbek Óskenbaev OKQ-de ótken baspasóz máslıhatynda.

Vıtse-mınıstrdiń aıtýynsha, atalǵan shara otandyq qurylys materıaldarynyń óndirisine oń áserin tıgizedi.

«Mysaly, qurylysty jobasyn josparlaý barysynda mindetti túrde qazaqstandyq qurylys materıaldaryn qoldaný kórsetiletin bolady. Sonymen qatar, qurylystyń smetalyq qujatynda, ár qurylys materıaldyń qaı elde óndirilgeni kórsetilip turady. Taǵy bir talap ózimizde óndirilgen qurylys materıalynda «Qazaqstanda jasalǵan» jazýynyń bolýy shart. Jáne bul protsess qatań baqylaýda bolady. Osy talapty oryndaý maqsatynda bıyl sáýir aıynda zańdaǵy tapsyrys berýshi fýnktsııasyna ózgeris engizildi. ıAǵnı istelingen jumys aktisinde otandyq qurylys materıaldarynyń kólemi kórsetiledi. Sol sııaqty endigi ýaqytta tapsyrys berýshiler merdiger kompanııalardyń esebine qarap otyryp, qanshalyqty otandyq ónimdi qoldanyp jatqanyn bile alady», - deıdi ol.

Odan bólek, mınıstrdiń birinshi orynbasary qurylys salasyndaǵy atalǵan jańashyldyqtyń memlekettik satyp alý portalynda ashyq túrde jarııa etiletinin málim etti.


Joǵary qaraı