Aýa raıy
Astana 6 °S
Almaty 7 °S
valıýta baǵamy
USD 421.58
EUR 496.83
RUB 5.53
CNY 62.20

Elimizde qurylys salasyna salynǵan kapıtaldyq ınvestıtsııa eki ese tómendedi

2020 jyldyń 22 qyrkúıek 2020 10:14

NUR-SULTAN. QazAqparat – Qurylys salasyna salynǵan negizgi kapıtal 2020 jyldyń qańtar-tamyz aılarynyń aralyǵynda 38,5 mlrd teńge kórsetkishti kórsetip, ótken jyldyń uqsas kezeńimen salystyrǵanda 45,9 paıyzǵa kemidi. Bul - keıingi jyldardaǵy rekordtyq kórsetkish bolǵanymen, Finprom zertteýshileri Qazaqstanda qurylys baǵasy edáýir arzandaıtynyn boljap otyr, dep habarlaıdy QazAqparat tilshisi.

«Investıtsııanyń azaıýy Qazaqstannyń 17 aımaǵynyń 13-de tirkelgen. Eń úlken ózgeris Atyraý oblysynda: tómendeý 69,8 paıyzǵa, ıaǵnı 7 mlrd teńgege deıin qulaǵan. Al ınvestıtsııalardyń eń aýqymdy kólemi Almatyda tirkeldi - 7,7 mlrd teńge. Sonymen qatar ósim Pavlodar, Túrkistan, Qostanaı oblystary men Almaty qalasynda baıqaldy» delingen zertteý qorytyndysynda.

Qazirgi ýaqytta qurylys salasyna kelip jatqan qarajattyń basym bóligi – bıznestiń óz qarjysy. 2020 jyldyń qańtar-tamyz aılarynda olardyń kólemi 35,8 mlrd teńgege jetkenimen, ótken jyldyń uqsas kezeńimen salystyrǵanda eki ese az somany kórsetip otyr.

Eske sala ketsek, buǵan deıin Indýstrııa jáne ınfraqurylymdyq damý mınıstrligi qurylys jáne turǵyn úı-kommýnaldyq sharýashylyq isteri komıteti engizgen tetikter esebinen Qazaqstanda qurylys baǵasy arzandaıtynyn jarııa etken edi.

Mınıstrliktiń habarlaýynsha, nysandar qurylysynyń qunyna naqty lımıtter belgilengen. ıAǵnı, óńirler boıynsha birdeı nysandardyń qurylys quny birdeı bolýy tıis.


Avtor Aıan Bekenuly
Basty sózder: Ekonomıka, Statıstıka, Qurylys,
Joǵary qaraı