Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elimizde qaıta vaktsınalaý tásili ázirlendi

2021 jyldyń 13 qazan 2021 17:48

NUR-SULTAN. QazAqparat – Qazaqstan halqyn qaıta vaktsınalaý tásili ázirlendi. Bul týraly QR Densaýlyq saqtaý mınıstri Alekseı Tsoı málim etti, dep habarlaıdy QazAqparat tilshisi.

«Densaýlyq saqtaý mınıstrligi halyqty ımmýndaý jónindegi konsýltatıvtik komıssııamen birlesip azamattardy koronavırýstyq ınfektsııaǵa qarsy revaktsınatsııa tásilin ázirledi. Atalǵan másele elimizde koronavırýstyń taralýyna jol bermeý jónindegi vedomstvoaralyq komıssııanyń otyrysyna qaraldy», - dep jazdy A. Tsoı óziniń Facebook paraqshasynda.

Mınıstrdiń aıtýynsha, indetke qarsy vaktsınany tolyq alǵan adam araǵa 6-9 aı ýaqyt salyp qaıta ekpe alýǵa bolady.

Sonymen qatar, A.Tsoı revaktsınatsııa kezinde eskerilýi tıis jaıttardy alǵa tartty.

– Vektorlyq (Spýtnık) vaktsına alǵan jandar 9 aıdan keıin ınaktıvatsııalanǵan (Sinopharm, CoronaVac, Hayat-Vax, QazCovid-in) nemese m-RNQ vaktsınasymen (Pfizer) revaktsınatsııalanady;

- Inaktıvatsııalanǵan (Sinopharm, CoronaVac, Hayat-Vax, QazCovid-in) vaktsına alǵan jandar vektorlyq (Spýtnık) nemese m-RNQ vaktsınasymen (Pfizer) 6 aıdan keıin revaktsınatsııalanady;

-M-RNK vaktsınasymen (Pfizer) ekpe alǵan jandar 6 aıdan keıin belsendiligi joıylǵan (Sinopharm, CoronaVac, Hayat-Vax, QazCovid-in) nemese vektorlyq (Spýtnık) vaktsınamen revaktsınatsııalanady;

– Tolyq vaktsına alǵannan keıin KVI-ge shaldyǵyp saýyqqannan keıin 3 aıdan soń qaıta vaktsına alýyna bolady.

Buǵan deıin habarlaǵanymyzdaı, qarashanyń sońynda el aýmaǵynda revaktsınatsııalaý bastalady.



Joǵary qaraı