Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Elimizde qaıta óńdeýshilerdi otandyq shıkizatpen qamtamasyz etý tetigi engiziledi

2021 jyldyń 20 jeltoqsan 2021 11:31

NUR-SULTAN. QazAqparat – Elimizde qaıta óńdeýshilerdi otandyq shıkizatpen qamtamasyz etý tetigi engiziledi. Bul týraly QR Parlamenti Senatynyń jalpy otyrysynda QR Indýstrııa jáne ınfraqurylymdyq damý mınıstri Beıbit Atamqulov aıtty, dep habarlaıdy QazAqparat tilshisi.

«Memleket basshysynyń Qazaqstan halqyna arnalǵan Joldaýynda aıtylǵan tapsyrmalardy oryndaý úshin ázirlengen «Ónerkásiptik saıasat týraly» jáne oǵan ilespe zań jobalary nazarlaryńyzǵa usynyldy. Qoldanystaǵy zańnama kásipkerlikti memlekettik retteýdi keńinen qamtýǵa negizdelgen. Ol ónerkásipke jiti nazar aýdarmaıdy. Sol sebepti ónerkásip damýyn tolyq qamtıtyn zań jobasy ázirlendi. Zań jobasynyń negizgi maqsaty – básekege qabiletti, joǵary tehnologııalyq, eksportqa baǵdarlanǵan ónim óndirisin ulǵaıtý jáne damýdyń shıkizattyq modelinen aýysyp, óńdeýshi ónerkásiptiń turaqty damýyn qamtamasyz etý», - dedi ol.

Onyń atap ótýinshe, zań jobasynyń negizi Kásipkerlik kodekstiń 24 taraýynan alynǵan. «Óndiristiń barlyq tsıkli qamtıtyn mynadaı jańalyqtar kózdelgen. Shıkizatpen qamtamasyz etýge qatysty Memleket basshysynyń tapsyrmasyn iske asyrý úshin qaıta óńdeýshilerdi otandyq shıkizatpen qamtamasyz etý boıynsha tetik kózdelgen. Shıkizat óndirýshi, qaıta óńdeýshi jáne salalyq memlekettik organ arasynda otandyq shıkizatpen qamtamasyz etý jónindegi úshjaqty kelisimderge qol qoıylady. Kelisim shıkizatty jetkizý kólemin, tolyq qaıta óńdeý boıynsha mindettemelerdi jáne eń bastysy erekshe básekeli baǵa belgileýdi kózdeıdi», - dedi Beıbit Atamqulov.


Joǵary qaraı