Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elimizde dızel tapshylyǵy máselesi qalaı sheshilip jatyr

2021 jyldyń 12 qazan 2021 15:58

NUR-SULTAN. QazAqparat – Otandyq tutynýshylardy dızel otynymen qamtý úshin qandaı sharalar qabyldanyp jatyr. Dızel tapshylyǵyna qatysty QR Energetıka vıtse-mınıstri Áset Maǵaýov pikir bildirdi, dep habarlaıdy QazAqparat tilshisi.

«Іshki naryqty dızel otynymen qamtamasyz etý maqsatynda búginde munaı ónimderin avtomobıl kóligimen áketýge tyıym salyndy, bıyl sáýir aıynan bastap dızeldi eksporttaý toqtatyldy jáne Atyraý munaı óńdeý zaýytyna jóndeý jumystary 2022 jylǵa aýystyryldy. Sondaı-aq, Atyraý munaı óńdeý zaýyty men PetroQazaqstanOılProdakts (PKOP) JShS-ǵa 100 myń tonna munaı jáne 29 myń tonna dızel otyny jetkizildi. Odan bólek, Pavlodar munaı-hımııa zaýytyna júrgiziletin jóndeý jumysy keıinge shegerilip, qazannyń alǵashqy 10 kúninde atalǵan ónerkásip 30 myń tonna dızel otynyn óndirdi», - dedi Áset Maǵaýov Ortalyq kommýnıkatsııalar qyzmetinde ótken baspasóz máslıhatynda.

Mınıstr orynbasarynyń málimetinshe, bıyl 1 qyrkúıek pen 1 qazan aralyǵynda Reseıden 65,7 myń tonna dızel otyny jetkizildi. Al 1-10 qazan kúnderi kórshi elden taǵy 22,2 myń tonna dızel ákelingen.

Onyń aıtýynsha, 11 qazandaǵy jaǵdaıda sáıkes el kóleminde 214,9 myń tonna dızel bar.


Joǵary qaraı