Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Elimizde depozıtterdi dollarlandyrý deńgeıi 37 paıyzdy qurady

2021 jyldyń 26 aqpan 2021 12:06

ALMATY. QazAqparat- 2021 jyly qańtar aıynyń sońynda dollarlandyrý deńgeıi 37,1% boldy, dep habarlaıdy QazAqparat tilshisi.

Ulttyq banktiń málimetinshe, rezıdentterdiń depozıttik uıymdardaǵy depozıt kólemi 2021 jyly qańtardyń sońynda bir aıda 2,7%-ǵa ulǵaıyp, 22 675,7 mlrd teńgeni qurady. Zańdy tulǵalardyń depozıtteri bir aıda 11 944,0 mlrd teńgege deıin 5,7%-ǵa ósti, jeke tulǵalardyń depozıtteri 10 731,7 mlrd teńgege deıin 0,6%-ǵa tómendedi.

«Ulttyq valıýtadaǵy depozıtter kólemi bir aıda 14 270,9 mlrd teńgege deıin 3,0%-ǵa, shetel valıýtasynda - 8 404,8 mlrd teńgege deıin 2,1%-ǵa ulǵaıdy. Dollarlandyrý deńgeıi 2021 jyly qańtardyń sońynda 37,1% (2020 jylǵy jeltoqsanda - 37,3%) boldy»,-dep habarlady Ulttyq bankten.

Zańdy tulǵalardyń ulttyq valıýtadaǵy depozıtteri 2021 jyly qańtarda 7 720,8 mlrd teńgege deıin 7,2%-ǵa, shetel valıýtasynda – 4 223,2 mlrd teńgege deıin 3,2%-ǵa (zańdy tulǵalar depozıtteriniń 35,4%-y) ulǵaıdy.

Jeke tulǵalardyń teńgedegi depozıtteri 6 550,1 mlrd teńgege deıin 1,5%-ǵa tómendedi, shetel valıýtasynda 4 181,7 mlrd teńgege deıin 1,0%-ǵa ulǵaıdy (jeke tulǵalar depozıtteriniń 39,0%-y).

Merzimdi depozıtterdiń kólemi bir aıda 3,7%-ǵa ulǵaıyp, 15 844,0 mlrd teńge boldy. Olardyń qurylymynda ulttyq valıýtadaǵy salymdar 10 059,2 mlrd teńge, shetel valıýtasyndaǵy salymdar – 5 784,8 mlrd teńge boldy.

Banktik emes zańdy tulǵalardyń ulttyq valıýtadaǵy merzimdi depozıtteri boıynsha ortasha alynǵan syıaqy mólsherlemesi 2021 jyly qańtarda 7,2% (2020 jyly qańtarda – 7,3%), jeke tulǵalardyń depozıtteri boıynsha – 9,4% (9,3%) boldy.


Avtor Alma Muqanova
Basty sózder: Almaty, Ekonomıka, Qor rynogy,
Joǵary qaraı