Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Elimizde buqaralyq sport qalaı damyp jatyr

2022 jyldyń 16 qańtar 2022 17:00

NUR-SULTAN. QazAqparat - Memleket basshysynyń tapsyrmasy boıynsha jastar men jasóspirimder arasynda sportty damytý, turǵyndar arasyndaǵy sportpen shuǵyldanatyn adamdar sanyn kóbeıtý qolǵa alyndy. Nátıjesinde, sport sektsııalarynyń sany artyp, salany tsıfrlandyrý máselesi jolǵa qoıylyp keledi. Buqaralyq sportty damytý úshin 2021 jyly atqarylǵan sharalar týraly tolyǵyraq QazAqparat sarapshysynyń materıalynan oqı alasyzdar.

Memleket basshysy 2021 jylǵy 1 qyrkúıektegi Joldaýynda sporttyq ınfraqurylymdy kezeń-kezeńimen salý arqyly buqaralyq jáne balalar sportymen aınalysý úshin jaǵdaı jasaýdyń mańyzdylyǵyna toqtalǵan bolatyn. Osy tusta, QR mádenıet jáne sport mınıstrligi 2021 jyly jergilikti atqarýshy organdarmen birlesip júrgizilgen taldaý negizinde jańa obektiler salýdy, jumys istep turǵan bilim berý oryndarynyń bazasynda jańǵyrtýdy jáne qosymsha jaraqtandyrýdy qamtıtyn sporttyq ınfraqurylymdy damytýdyń jospar-kestesiniń jobasyn ázirledi.

2020 jylǵy 30 jeltoqsanda buqapalyq spoptty odan ápi damytýdy kózdeıtin dene shynyqtypý jáne spopt máselelepi boıynsha QP Zańy qabyldandy. Atap aıtqanda, dene shynyqtypý daıaplyǵynyń balalap-jasóspipimdep klýbtapynyń jáne dápigeplik-dene shynyqtypý dıspanseplepiniń jelisin keńeıtý, dene shynyqtypý jáne spopt boıynsha sabaqtan tys sektsııalapdy júpgizgeni úshin muǵalimdepge bazalyq laýazymdyq jalaqydan 100% mólshepinde qosymsha aqy engizý, bilim bepýdiń baplyq deńgeılepindegi dene shynyqtypý sabaqtapynda ulttyq spopt túplepi boıynsha mindetti komponent engizý jónindegi nopmalap engizilgen. Sondaı-aq, halyqpen jumys isteý úshin spopt nusqaýshylapyn shtattyq bipliktepimen qamtamasyz etý kózdelgen.


Buqaralyq sportty damytý úshin atqarylǵan sharalar

QR Sport jáne dene shynyqtyrý isteri komıtetiniń Buqaralyq sportty damytý basqarmasynyń basshysy Meırambek Mahambetovtiń málimetinshe, 2021 jyldyń qorytyndysy boıynsha respýblıka boıynsha dene shynyqtyrýmen jáne sportpen júıeli túrde 6 534 919 adam shuǵyldanady, bul eldegi halyqtyń 34,28%-yn qurap otyr. Onyń ishinde 2 048 284 aýyldyq jerlerde dene shynyqtyrý jáne sportpen shuǵyldanady. Sondaı-aq, 2020 jylmen salystyrǵanda shuǵyldanýshylar sany 581 084 adamǵa ulǵaıǵan.

«Dene shynyqtyrý jáne sport ujymdarynda 127 000 (olardyń ishinde aýyldyq jerlerde – 68 982) sporttyq sektsııa quryldy. 2021 jyldyń qorytyndysy boıynsha qazirgi tańda respýblıkada 223 118 balalar men jasóspirimder qamtylǵan 602 balalar-jasósipirimder klýby, 119 balalar-jasóspirimder dene daıyndyǵy klýby jumys isteıdi», - dedi Buqaralyq sportty damytý basqarmasynyń basshysy.

Basqarma basshysy qazirgi tańda statıstıkalyq derekterge sáıkes, dene shynyqtyrýmen jáne sportpen júıeli túrde aınalysatyn erekshe qajettilikteri bar halyqtyń úlesi 12,7%-dy quraıtynyn jetkizdi. Onyń aıtýynsha, dene shynyqtyrý jáne sportpen aınalysýǵa qarsy kórsetilimi joq tulǵalar sanynyń esebinen shuǵyldanýshylardyń sany 48 565 adamǵa, al aýyldy jerlerde 12711 adamǵa jetken.

«Ótken jyldyń qorytyndysy boıynsha dene shynyqtyrý men sporttyń jalpy sanynan ulttyq sport túrlerimen aınalysatyn azamattardyń úlesi 2020 jyly 43 2457 nemese 7,9% qurasa, al, 2021 jyly 489 526 nemese 8,0%-dy quraıtyny anyqtalyp otyr», - dedi Meırambek Mahambetov.


«Qoljetimdi sport» baǵdarlamasy

Sondaı-aq, ol buqaralyq sportty damytý jáne nasıhattaý maqsatynda «Qoljetimdi sport» baǵdarlamasyn iske asyrý jóninde nasıhat jumystary josparly túrde júrgizilip otyrǵanyn aıtyp ótti. Onyń málimdeýinshe, baǵdarlama 2022 jyly oblystyq mańyzy bar qalalarda Aqtaý, Taldyqorǵan, Petropavl, Semeı jáne respýblıkalyq mańyzy bar Nur-Sultan, Almaty jáne Shymkent qalalarynda iske qosylady.

«Aldaǵy ýaqytta respýblıka boıynsha barlyq óńirlerde júzege asyrylady. Bul baǵdarlama sheńberinde skandınavııalyq júris, júgirý, gımnastıka (ıoga, fıtnes), strıtvorkaýt, ústel tennısi, shańǵy jarysy jáne konkımen jappaı syrǵanaý sporttary qamtylady», - dedi Basqarma basshysy.


Salaýatty ómir saltyn nasıhattaý sharalary

Sonymen qatar, ol keshendi is-sharalardy ótkizý jóninde birqatar jumystar atap aıtqanda, Kásiptik odaqtar arasyndaǵy respýblıkalyq spartakıadasy, Jergilikti atqarý organdarynyń memlekettik qyzmetshileri arasyndaǵy respýblıkalyq spartakıadasy, Memlekettik ortalyq organdarynyń memlekettik qyzmetshileri arasyndaǵy respýblıkalyq spartakıadasy, Medıtsına qyzmetkerleri arasyndaǵy respýblıkalyq spartakıadasy, Buqaralyq aqparat quraldary qyzmetkerleri arasyndaǵy respýblıkalyq spartakıadasy júrgizilip otyrǵanyn aıtyp ótti. QR Tuńǵysh Prezıdentiniń kúni men QR Táýelsizdiginiń 30 jyldyǵyn merekeleý aıasynda elimizde buqaralyq sportty damytý, halyq arasynda salaýatty ómir saltyn nasıhattaý jáne ult densaýlyǵyn nyǵaıtý boıynsha belsendi jumystar atqarylǵan. Naqtyraq aıtqanda, Qazaqstan Respýblıkasynyń Tuńǵysh prezıdenti kúninde elimizdiń bas qalasynda resmı túrde qysqy shańǵy maýsymy ashylǵan jáne oǵan elordanyń úsh júzden astam turǵyny qatysqan.

«Sondaı-aq, astananyń trıatlon saıabaǵynda «Qysqy jugiru» qysqy júgirýden jarys ótti, jarysqa shamamen 250-deı qala turǵyndary men qonaqtary qatysty. Qatysýshylar 5 jas sanaty boıynsha synǵa tústi, atap aıtqanda, 18-29 jas, 30-39 jas, 40-49 jas, 50-59 jas, 60 jas jáne odan joǵary. «Qysqy jugiru» jarysynyń negizgi qashyqtyǵy shaqyrymdy qurady», - dedi Meırambek Mahambetov.

Onyń aıtýynsha, «Nur Otan» partııasynyń bastamasymen, sondaı-aq elorda ákimdiginiń jáne Nur-Sultan qalasy ústel tennısi federatsııasynyń qoldaýymen Táýelsizdik saraıynda memlekettik qyzmetshiler arasynda ústel tennısinen týrnır ótken. Atalǵan sharaǵa 80 memlekettik qyzmetshi qatysqan. Sondaı-aq, ol 2021 jylǵy 31 jeltoqsanda respýblıka boıynsha sportty súıer qaýym arasynda búkilálemde oryn alǵan pandemııaǵa qarsy aktsııany qoldaı otyryp, «Jańa jyldyq júgirý – 2022» buqaralyq júgirý ótkenin jetkizdi.

«Aktsııanyń basty maqsaty – salaýatty ómir saltyna barynsha adamdardy tartý.Dál osyndaı ataýmen elimizdiń túkpir-túkpirinde jappaı júgirý aktsııasy ótip, oǵan tilek bildirýshiler men sport súıer qaýym qatysty», - dedi ol.

Sondaı-aq Qazaqstan Respýblıkasy Premer-Mınıstriniń orynbasary Eraly Toǵjanovtyń qatysýymen 2021 jylǵy 14 jeltoqsanda Nur-Sultan qalasynda elimizdiń úzdik sport uıymdary men sport qaıratkerlerin marapattaý rásimi ótken. 2021 jyldyń qorytyndysy boıynsha «Úzdik metsenat», «Jyldyń úzdik aýyl jattyqtyrýshysy», «Aýyldyq jerdegi úzdik nusqaýshy-ádisker», «Dene shynyqtyrý jáne sport salasyndaǵy úzdik maman», «Jalpy bilim berý uıymynyń dırektory», «Aýyldaǵy úzdik dene shynyqtyrý pániniń muǵalimi», «Jyldyń úzdik sport uıymy», «Aýdandyq úzdik dene shynyqtyrý jáne sport bólimi» nomınatsııalar anyqtalyp, jeńimpazdar dıplomdarmen jáne aqshalaı syıaqylarmen marapattalǵan.

«Ótken jyldyń qorytyndysy boıynsha dene shynyqtyrý jáne sport týraly úzdik jarııalanymy úshin jýrnalısterge ataqty sport jýrnalısi, pýblıtsıst Seıdahmet Berdiqulovtyń syıaqysy berildi. Laýreattar tósbelgimen, dıplomdarmen jáne aqshalaı syıaqylarmen marapattaldy», - dedi Meırambek Mahambetov7

Basqarma basshysynyń aıtýynsha, salaýatty ómir saltyn nasıhattaý, dene shynyqtyrýmen jáne sportpen júıeli shuǵyldanýǵa halyqty tartý, onyń óz densaýlyǵyn jáne dene shynyqtyrý deńgeıiniń daıyndyǵyn aıqyndaýǵa degen qajettiligin qanaǵattandyrý maqsatynda respýblıka boıynsha jazǵy maýsymda jáne qysqy maýsymda turaqty túrde halyqtyń dene shynyqtyrý daıyndyǵynyń prezıdenttik testileri ótkiziledi. Onyń dereginshe, 2021 jyly QR Tuńǵysh Prezıdenti – Elbasynyń testilerin tapsyrýǵa 2 675 044 adam qatysty, onyń ishinde kúshti, tózimdilikti, jyldamdyq pen eptilikti kórsetetin synaqtardan 492 083 adam (87 012 adam - Prezıdenttik deńgeı) normatıvterin oryndaǵan.


Nur-Sultan qalasyndaǵy buqaralyq sportty damytý jumystary

Elorda ákimdiginiń málimetinshe, Nur-Sultan qalasynda buqaralyq sportty damytý úshin álemniń úzdik tájirıbeleri zerdelenip, arnaıy baǵdarlama ázirlengen. Baǵdarlama aıasynda óńirde sporttyń oıyn túrleri (fýtbol, strıtbol) boıynsha aýla lıgalary ótkizilgen. Sonymen qatar, halyqtyń sportpen shuǵyldanýyna da barlyq jaǵdaı jasalǵan. Naqtyraq aıtsaq, qalada 318 ashyq fýtbol alańy, 23 strıt vorkaýt alańy, sol sııaqty 40 basketbolǵa arnalǵan arnaıy alań bar. Búkilálemdik pandemııaǵa baılanysty sporttyq is-sharalardyń toqtatylǵanyn eskere otyryp, elorda turǵyndarynyń sportqa degen qyzyǵýshylyǵyn arttyrý maqsatynda ár aı saıyn júgirý jáne velojúgirýden onlaın jarystar uıymdastyrylýda. Qala turǵyndary ózderine qolaıly ýaqytta, kez-kelgen saıabaqta júgirip, qortyndysymen «Strava» qosymshasy arqyly bólise alady. Budan bólek, buqaralyq sportty damytý maqsatynda da qazirgi zamannyń talabyna sáıkes halyqqa sportty qoljetimdi etý úshin «Smart sport» jobasy ázirlenýde. Bir mobıldi qosymsha arqyly qaladaǵy barlyq sporttyq ınfraqurylymdy, sport túrleri boıynsha jattyǵýlar ótkiziletin zaldardy, sport mekemelerindegi jattyqtyrýshylar, sporttyq is-sharalar jáne basqa da aqparatty qamtý josparlanǵan. Jalpy qala turǵyndary erkin pikir almasa alatyn platforma bolmaq.

Avtory: Venera Jolamanqyzy


Joǵary qaraı