Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elimizde benzınmen qamtý jaǵdaıy turaqty – Energetıka mınıstrligi

2021 jyldyń 12 qazan 2021 16:33

NUR-SULTAN. QazAqparat – Qazaqstanda benzınmen qamtý jaǵdaıy turaqty. Bul týraly QR Energetıka vıtse-mınıstri Áset Maǵaýov málim etti, dep habarlaıdy QazAqparat tilshisi.

«Qazir elimizde benzın boıynsha jaǵdaı turaqty. Qazan aıynda shamamen 304 myń tonna 92 markaly benzın óndirý jospary tur. Onyń ishinde Atyraý zaýytynda 130 myń tonna, Shymkent zaýytynda 153 myń tonna jáne Pavlodar munaı-hımııa zaýyty 20 myń tonnaǵa jýyq ónim shyǵarýy tıis. Aıdyń basyndaǵy qolda bar bınzın qoryn esepke ala otyryp, ol shamamen 230 myń tonna ónim, ishki naryqty qamtımyz dep oılaımyn. Bizdiń boljam boıynsha benzındi tutyný shamamen 340 myń tonnany quraıdy. Demek qazan aıynda benzın jaǵdaıy qalypty bolmaq. Buǵan deıin qarasha-jeltoqsan aılarynda atalǵan ónim túrin eksporttaýdy josparlaǵan edik», - dedi Áset Maǵaýov Ortalyq kommýnıkatsııalar qyzmetinde ótken baspasóz máslıhatynda.

Odan bólek, mınıstr orynbasary búginde elimizde dızel otynyna suranystyń artqanyn aıtty.

«Bıyl elimizde dızel óndirý 2015 jyldan beri joǵary kórsetkishke jetip 4,9 mln tonnany qurady. Ásirese tamyz-qyrkúıek aılarynda atalǵan otyn túrin tutyný joǵary deńgeıge jetip shamamen 520 myń tonnany qurap otyr. Buryn sońdy ishki naryqta bundaı kórsetkish tirkelmegen», - deıdi ol.

Buǵan deıin vıtse-mınıstr elimizde dızel tapshylyǵy máselesiniń qalaı sheshilip jatqanyn aıtyp berdi.



Joǵary qaraı