Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Elimizde asyraýshysynan aıyrylǵan otbasylar 43 myń teńge járdemaqy alady

2022 jyldyń 25 mamyr 2022 14:53

NUR-SULTAN. QazAqparat - Qazaqstandyqtarǵa múgedektik jáne asyraýshysynan aıyrylý boıynsha 139,8 mlrd teńge járdemaqy tólendi, dep habarlaıdy QazAqparat.

Eńbek jáne halyqty áleýmettik qorǵaý mınıstrliginiń málimetinshe, onyń ishinde sáýir aıynda respýblıkalyq bıýdjetten múgedektik boıynsha memlekettik áleýmettik járdemaqyǵa - 27,5 mlrd teńge, asyraýshysynan aıyrylýyna baılanysty járdemaqy tóleýge - 7,7 mlrd teńge jumsalǵan.

Múgedektik boıynsha memlekettik áleýmettik járdemaqy alýshylar sany - 525,8 myń, asyraýshysynan aıyrylý jaǵdaıy boıynsha - 175,9 myńǵa jetti.

Múgedektik jáne asyraýshysynan aıyrylý jaǵdaıy boıynsha memlekettik áleýmettik járdemaqy mólsheri múgedektik tobyna jáne sebebine, qaıtys bolǵan asyraýshynyń asyraýyndaǵy adam sanyna, sondaı-aq tıisti qarjy jylyna arnalǵan «Respýblıkalyq bıýdjet týraly» zańda belgilenetin eń tómengi kúnkóris deńgeıine baılanysty bolady.

1 mamyrdaǵy jaǵdaı boıynsha múgedektikke tólenetin áleýmettik járdemaqynyń ortasha mólsheri – 52 347 teńge, asyraýshydan aıyrylý jaǵdaıy boıynsha tólenetin járdemaqy – 43 574 teńge.


Joǵary qaraı