Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elimizde aqyly joldarmen júrý úshin jyldyq abonementti qalaı rásimdeýge bolady

2021 jyldyń 24 qarasha 2021 15:38

NUR-SULTAN. QazAqparat - Birinshi sanattaǵy jańa aqyly ýchaskelerde júrý úshin tólem tarıfterin 2013 jylǵy deńgeıde qaldyrý josparlanǵan. Bul týraly QR IIDM Avtomobıl joldary komıtetiniń tóraǵasy Tólegen Abdýllın aıtty, dep habarlaıdy QazAqparat tilshisi.

Onyń atap ótýinshe, búgingi tańda aqyly avtomobıl jolyna irgeles ákimshilik-aýmaqtyq birlikte belgilengen tártippen tirkelgen jergilikti jeńil kólik úshin quny 1000 teńge bolatyn jyldyq abonement satyp alý múmkindigi bar. Abonementter aqyly ýchaskeniń barlyq marshrýty úshin eki baǵytqa da qoldanylady. Jergilikti jeńil avtokólikke jyldyq abonementti rásimdeý úshin aqyly joldar boıynsha qyzmet kórsetý ortalyqtarynyń operatorlaryna júginý; jeke kýálik pen avtomobıldiń tehnıkalyq qujattamasyn usyný; ótinishti jazý; 1000 teńge kóleminde tólem júrgizý; chekti alý qajet.

«Sondaı-aq, abonenttik tólem úshin bereshektiń joq ekenin aldyn ala tekserip, ózińizge yńǵaıly kez kelgen tásilmen 1000 teńge somasyna ózińizdiń jeńil kólik quralyńyzdyń balansyn toltyrý kerek. Odan keıin 1403 nómirine, ıaǵnı «QazAvtoJol «UK» AQ baılanys ortalyǵyna qońyraý shalyp, abonement resimdegińiz keletini týraly habarlaý qajet. Baılanys ortalyǵynyń operatory sizdiń kólik quralyńyzdyń derekterin tekseredi. Barlyq qajetti parametrler sáıkes kelgen jaǵdaıda abonement resimdeledi»,- dedi Tólegen Abdýllın Ortalyq kommýnıkatsııalar qyzmetindegi baspasóz máslıhatynda.


Joǵary qaraı