Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elimizde 7 oblys aýmaǵynda aýa raıyna baılanysty eskertý jarııalandy

2021 jyldyń 22 qazan 2021 17:34

NUR-SULTAN. QazAqparat – Elimizdiń 7 oblysynyń aýmaǵynda aýa raıynyń qubyýyna baılanysty eskertý jarııalandy, dep habarlaıdy QazAqparat Qazgıdrometke silteme jasap.

23-25 qazanda Jambyl oblysynyń taýly aýdandarynda tuman túsedi, erteń kóktaıǵaq bolýy múmkin. 24-25 qazanda batystan soǵatyn jel soltústik-shyǵysqa aýysady, oblystyń ońtústik-batysynda, soltústik-shyǵysynda jáne taýly aýdandarynda kúshi 15-20 m/s jetedi, 24 qazanda ekpini 25 m/s bolady.

23 qazanda túnde Qaraǵandy oblysynyń batysynda, kúndiz soltústiginde, shyǵysynda kóktaıǵaq bolady, jaıaý burqasyn soǵady. Ońtústik-batystan jel soǵady, oblystyń batysynda, soltústiginde, ortalyǵynda kúshi 15-20, ekpini 23 m/s jetýi múmkin.

Erteń tańerteń jáne kúndiz Qaraǵandy qalasynda kóktaıǵaq bolady, jaıaý burqasyn soǵýy múmkin. Ońtústik-batystan jel soǵady, ekpini 18 m/s jetedi.

Erteń túnde Jezqazǵanda jaıaý burqasyn soǵýy múmkin. Ońtústik-batystan jel soǵady, kúndiz ekpini 18 m/s kútiledi.

23 qazanda túnde Qyzylorda oblysynyń soltústiginde tuman túsýi múmkin.

23 qazanda Aqmola oblysynda ońtústik-batystan jel soǵady, kúshi 15-20 m/s jetedi, oblystyń soltústiginde, shyǵysynda kúshi 23-28 m/s, ekpini 30 m/s bolady, tipti odan kúsheıýi múmkin. Túnde oblystyń soltústiginde, shyǵysynda jaıaý burqasyn soǵyp, kóktaıǵaq bolýy múmkin.

Erteń Kókshetaýda ońtústik-batystan jel soǵady, kúndiz ekpini 15-20 m/s jetedi.

23 qazanda Batys Qazaqstan oblysynda jel ońtústik-batystan, ońtústikten soǵady, kúndiz oblystyń shyǵysynda jeldiń ekpini 15-20 m/s kúsheıedi.

23 qazanda túnde jáne tańerteń Almaty oblysynyń ońtústiginde jáne shyǵysynda tuman túsýi yqtımal.

23 qazanda Aqtóbe oblysynda ońtústik-batystan jel soǵady, oblystyń shyǵysynda ekpini 15-20 m/s jetedi.


Basty sózder: Qazgıdromet, Aýa raıy,
Joǵary qaraı