Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elimizde 3 oblys aýmaǵynda aýa raıyna baılanysty eskertý jarııalandy

2021 jyldyń 29 qarasha 2021 18:31

NUR-SULTAN. QazAqparat – Elimizde 3 oblys aýmaǵynda aýa raıynyń qolaısyzdyǵyna baılanysty eskertý jarııalandy, dep habarlaıdy QazAqparat Qazgıdrometke silteme jasap.

30 qarashada kúndiz Mańǵystaý oblysynyń batysynda, ortalyǵynda shańdy daýyl soǵýy múmkin. Ońtústik-shyǵystan jel soǵady, oblystyń batysynda, ortalyǵynda jyldamdyǵy 15-20 m/s jetedi.

Aqtaý qalasynda erteń kúndiz shańdy daýyl soǵaly. Ońtústik-shyǵystan jel soǵady, kúndiz ekpini 15-18 m/s jetedi.

30 qarashada Batys Qazaqstan oblysynyń soltústik-batysynda, soltústiginde kóktaıǵaq bolýy yqtımal. Oblystyń soltústiginde tuman túsedi. Jel ońtústik-shyǵystan, ońtústikten soǵady, oblystyń soltústiginde ekpini 15-20 m/s jetedi.

Oral qalasynda erteń kúndiz kóktaıǵaq bolady. Túnde jáne tańerteń tuman túsedi. Jel ońtústik-shyǵystan, ońtústikten soǵady, kúndiz ekpini 18 m/s jetedi.

30 qarasha men 2 jeltoqsan aralyǵynda Qyzylorda oblysynyń soltústiginde tuman túsedi.


Basty sózder: Aýa raıy, Qazgıdromet,
Joǵary qaraı