Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Elimizde 29 mln gektar jer degradatsııaǵa ushyraǵan

2022 jyldyń 25 mamyr 2022 14:28

NUR-SULTAN. QazAqparat – Elimizde 29 mln gektar jer degradatsııaǵa ushyraǵan. Bul týraly Aýyl sharýashylyǵy vıtse-mınıstri Ábilhaıyr Tamabek aıtty, dep habarlaıdy QazAqparat tilshisi.

«Qazirgi tańda elimizde 29 mln gektar jer degradatsııaǵa ushyraǵan. Bizde gıdrogeologııalyq melıoratıvtik ekspedıtsııa bar. Buryn olar elimizdiń 4 óńirinde ǵana bolǵan edi. Bıyldan bastap ekspedıtsııanyń aýqymyn keńeıtip jatyrmyz, barlyq óńirlerde jumys júredi. Olar sý quramyn, jer asty sýlarynyń kóterilý deńgeıin, topyraqtyń sortańdanýyn, tuzdanýyn anyqtap, monıtorıng jasaıdy, baǵasyn beredi. Sodan keıin ýákiletti organdarǵa is-shara qabyldaý úshin jiberedi», - dedi Ábilhaıyr Tamabek Ortalyq kommýnıkatsııalar qyzmetindegi baspasóz máslıhatynda.

Onyń atap ótýinshe, atalǵan ekspedıtsııalardyń monıtorıng jáne baǵalaý jumystarynyń nátıjesi memlekettik jer kadastrynyń biryńǵaı platformasyna salynady.

«Bolashaqta jerine durys qaramaǵan, tozdyryp jibergen adamdarǵa, ákimdikterge shara qabyldaýdy qarastyryp otyrmyz», - dedi vıtse-mınıstr.

Aıta keteıik, buǵan deıin jer zańnamasyn buzǵandarǵa 219 mln teńge aıyppul salynǵanyn jazǵan bolatynbyz.

Sondaı-aq elde 2,6 mln gektar jer memleket menshigine qaıtarylmaq.


Joǵary qaraı