Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Elimizde 18 myń adam múgedektikti úıinen shyqpaı rásimdedi

2022 jyldyń 24 mamyr 2022 10:16

NUR-SULTAN. QazAqparat - Múgedektik tobyn belgileý úshin medıtsınalyq-áleýmettik saraptama júrgizýdiń syrttaı formaty pılottyq jobasy aıasynda Qazaqstannyń búkil óńirinen 18,8 myńnan astam ótinim qaraldy. Qazirgi ýaqytta jobaǵa 589 medıtsınalyq uıym qosylǵan, dep habarlaıdy QazAqparat.

«Pılottyq joba arqyly 2022 jyly múgedektikti belgileý boıynsha syrttaı qyzmet kórsetýdi 20%-ǵa deıin jetkizý josparlanǵan. Al qazir bul kórsetkishke qol jetkizildi, ıaǵnı múgedektigi bar adamdardan 18,8 myńnan astam ótinim kelip tústi, bul kýálandyrylǵan adamdardyń jalpy sanynyń 20,2%-y. Búginde biz osy qyzmetti proaktıvti túrde alǵan tulǵalar sanyn arttyrý boıynsha jumysty jalǵastyryp jatyrmyz», – dep habarlady QR Eńbek jáne halyqty áleýmettik qorǵaý vıtse-mınıstri Erbol Ospanov.

Ulttyq qoǵamdyq senim keńesiniń VI otyrysynda Memleket basshysy erekshe qajettiligi bar adamdarǵa barynsha qolaıly jaǵdaı jasaýdy, olardy qaǵazbastylyqtan aryltyp, ınstantsııalarǵa júgirýine jol bermeýdi tapsyrdy.

Osy tapsyrmany iske asyrý úshin QR Eńbek jáne halyqty áleýmettik qorǵaý mınıstrligi Densaýlyq saqtaý men tsıfrlyq damý, ınnovatsııalar jáne aeroǵarysh ónerkásibi mınıstrlikterimen birlesip, Qazaqstannyń 17 óńirinde pılottyq rejımde medıtsınalyq-áleýmettik saraptama júrgizýdiń syrttaı formaty boıynsha jobany iske qosty.

Múgedektik tobyn anyqtaý boıynsha qyzmet alý úshin ótinish berýshi tek turǵylyqty jeri boıynsha emhanaǵa baryp, qajetti tekserýden ótýi qajet, qalǵan protsester aqparattyq júıelerdi ıntegratsııalaý esebinen onyń qatysýynsyz ótedi.

Jalpy, syrttaı kýálandyrýǵa kóshý:

- ákimshilik jáne bıýrokratııalyq kedergilerdi joıady;

- MÁS saraptamalyq sheshimderiniń ashyqtyǵyn qamtamasyz etedi;

- úıden shyqpaı-aq múgedektikti belgileý jáne múgedektigi bar adamdardy áleýmettik qorǵaý sharalaryn aıqyndaý boıynsha qyzmetter alýǵa múmkindik beredi

- kórsetiletin qyzmetti alýshynyń kórsetiletin qyzmetti berýshimen tikeleı baılanysyn boldyrmaıdy, osylaısha sybaılas jemqorlyq táýekelderin barynsha azaıtady.


Joǵary qaraı