Elimizde 136 myń adam revaktsınatsııa aldy
NUR-SULTAN. QazAqparat – Elimizde 136 myń adam revaktsınatsııa aldy. Bul týraly Úkimet otyrysynda QR Densaýlyq saqtaý mınıstri Alekseı Tsoı aıtty, dep habarlaıdy QazAqparat tilshisi.
«Halyqty KVI-ge qarsy vaktsınatsııalaý jalǵasýda. 1-komponentpen 8,8 mln-nan astam adam egildi. Egilýge tıisti eresek halyqty qamtý 77,8 paıyzyn qurady. Egilýge tıisti eresek turǵyndardyń 72,9 paıyzyn qamtı otyryp, ekinshi komponentpen 8,3 mln-nan astam adam egildi», - dedi mınıstr.
Onyń atap ótýinshe, el halqyn birinshi komponentpen qamtý 47,6, ekinshi komponentpen qamtý 43,8 paıyzdy qurady.
«Revaktsınatsııany 136 myń Qazaqstan azamatty aldy», - dedi Alekseı Tsoı.
