Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elge ýaqytsha ákelingen kólikter 30 qyrkúıekke deıin shyǵarylýy kerek - komıtet

2021 jyldyń 26 shilde 2021 18:13

NUR-SULTAN. QazAqparat - Qazaqstanǵa ýaqytsha ákelingen avtokólikterdiń ıeleri olardy 30 qyrkúıekke deıin shyǵarýy kerek, dep habarlaıdy QazAqparat Memlekettik kirister komıtetine silteme jasap.

Vedomstvonyń málimdeýinshe, bul merzim Eýrazııalyq ekonomıkalyq odaqtyń kedendik aýmaǵyna shetel ıaǵnı úshinshi memleketterden jeke tulǵalar óz qajettiligi úshin ýaqytsha ákelgen avtomobılder men basqa da kólik quraldaryna qatysty.

«Atalǵan merzim Eýrazııalyq ekonomıkalyq komıssııa Keńesiniń 2021 jylǵy 5 sáýirdegi № 25 sheshimimde kórsetilgen. Bul sheshim odaqtyń keden aýmaǵynda bolý ýaqytynyń pandemııaǵa baılanysty 18 aıǵa uzartylǵan merzimin toqtatty. Osyǵan deıin odaqqa turaqty turý úshin kóship kelgen shet el azamattarynyń, bosqyndardyń, májbúrli túrde kóship kelýshilerdiń odaqtyń keden aýmaǵyna baj alymynsyz jeke múliginin alyp kelýge qatysty jeńildik bolǵan», delingen habarlamada.

Komıtettiń túsindirýinshe, kólik 30 qyrkúıekke deıin áketilmegen jaǵdaıda keden tólemderi men salyq tolyq kólemde tólenýi tıis.


Joǵary qaraı