Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Eleonora Stolıarova: Memleket basshysy óz málimdemesinde talaı máseleniń basyn ashty

2022 jyldyń 14 qańtar 2022 04:40

ÓSKEMEN. QazAqparat – S.Amanjolov atyndaǵy ShQÝ «Altaıtaný» ǵylymı-zertteý ortalyǵynyń bas ǵylymı qyzmetkeri Eleonora Stolıarova QR Prezıdenti Qasym-Jomart Toqaevtyń Parlament Májilisiniń otyrysynda jasaǵan málimdemesine qatysty pikir bildirdi, dep habarlaıdy QazAqparat tilshisi.

«Qasym-Jomart Kemeluly Parlament Májilisiniń otyrysynda talaı máseleniń basyn ashty. Ózim eń áýeli Prezıdenttiń eldegi túrli salalardaǵy problemalardy júıeli túrde tereń taldap aıtqanyna rıza boldym. Saıası jaǵdaıdy turaqtandyrý barysynda túıini tarqamaǵan sol máselelerdiń ekinshi qatarǵa ysyrylmaǵandyǵy qýantty. Qazaqstan úshin túrli ınstıtýttardy túbegeıli reformalaý óte mańyzdy bolyp otyr. Ásirese ekonomıkadaǵy, áleýmettik saladaǵy qazirgi ahýal kóp ózgeristi, batyl áreketti talap etedi», - dedi Eleonora Stolıarova.

Áleýmettaný ǵylymdarynyń kandıdaty óz sózinde Memleket basshysynyń málimdemesi muqym elge senim syılaǵanyn jetkizdi.

«Prezıdentiniń qasynda onyń úmitin aqtaıtyn, Qazaqstan halqynyń údesinen shyǵatyn, eń kúrdeli mindetterdi sheshýge kómektesetin bilikti adamdardyń kóptep jınalýyna tilektespin. Sońǵy qaıǵyly oqıǵalar bizge sabaq bolýy tıis. Ár adam osydan oı túıip, ońdy sheshim shyǵarǵany jón», - dedi S.Amanjolov atyndaǵy ShQÝ «Altaıtaný» ǵylymı-zertteý ortalyǵynyń bas ǵylymı qyzmetkeri.


Joǵary qaraı