Aýa raıy
Astana -23 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Elektrondyq saýdaǵa qandaı qoldaý kórsetildi

2020 jyldyń 24 qarasha 2020 22:37

NUR-SULTAN. QazAqparat – ІH Azamattyq forýmda QR Saýda jáne ıntegratsııa mınıstri Baqyt Sultanov Qazaqstandaǵy elektrondyq saýdanyń damýyna qandaı qoldaý kórsetilgenin aıtyp berdi, dep habarlaıdy QazAqparat tilshisi.

Onyń aıtýynsha, elektrondyq saýda baǵytyn mınıstrlik belsendi damytyp kele jatyr.

«Pandemııa kezinde barlyq memleket bul sektordyń qandaı serpin alatynyn jáne naryqtaǵy jaǵdaıǵa jaýap berýde qandaı kómek kórsete alatynyn sezindi. Biz óndirýshilerimizge tikeleı qoldaý kórsetemiz jáne Alibaba, Ebay jáne Wildberries naryqtaryna shyǵaramyz. Búginde bizdiń 43 kompanııa Alibaba altyn akkaýnttarynda saýda jasaıdy, bıyl taǵy 50 kompanııa «Gold Supplier» akkaýnttaryn alady. Alibaba áserin esepteý jobaǵa salynǵan bir teńgeniń eksportqa 26 teńge ákelgenin kórsetti. Jalpy, búgingi tańda bizdiń taýarlarǵa 500-den astam suranys kelip tústi jáne 4 myńnan astamy platformaǵa ornalastyryldy. Biz oqytýǵa da kómektesemiz, Alibaba-men kelisim jasadyq, olar bizdiń kómegimizben kásiporyndardy naryqqa shyǵarady», - dedi mınıstr ІH Azamattyq forýmda úkimettik emes uıymdarmen kezdesý barysynda.

Forým barysynda mınıstr «ShOB onlaın» jańa Telegram-arnasyn tanystyrdy. Munda elektrondyq saýdany iske qosý, basqarý jáne arttyrý, onlaın sabaqtar men seriktesterdiń usynystary týraly aqparat tabýǵa bolady. Sondaı-aq, elektrondyq saýda máseleleri men problemalaryn keshendi sheshý úshin Tsıfrlyq Qazaqstan qaýymdastyǵymen birlesip e-commerce telegramm-toby qurylǵan, onda túrli ózekti máseleler talqylanady, mınıstrlikpen dıalog qurylady.

«export.gov.kz biryńǵaı eksporttyq portalynda sizdiń ónimińizge qandaı elderde suranys bar ekendigi týraly eksporttyq taldaý jarııalanǵan. Memlekettik qoldaý sharalaryn bir platformada toptastyrý úshin portaldy Digital Export biryńǵaı tsıfrlyq terezesine aınaldyrýdy josparlap otyrmyz», - dep tolyqtyrdy Baqyt Sultanov.


Joǵary qaraı