Aýa raıy
Astana -6 °S
Almaty 5 °S
valıýta baǵamy
USD 421.58
EUR 496.83
RUB 5.53
CNY 62.20

Elektrondyq eńbek bırjasynda III toqsanda 176 myń bos jumys orny ornalastyryldy

2020 jyldyń 28 qazan 2020 09:29

NUR-SULTAN. QazAqparat - 2020 jyldyń III toqsanynda Elektrondyq eńbek bırjasynda (budan ári – EEB) bilikti qyzmetkerler úshin 176 myń bos jumys orny ornalastyrylǵan. Bul II toqsanǵa qaraǵanda 20,1 myńǵa jáne I toqsanǵa qaraǵanda 48,9 myńǵa kóp, dep habarlaıdy QazAqparat QR Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.

«Eńbek resýrstaryn damytý ortalyǵy» AQ-da (budan ári – ERDO) atap ótkendeı, aǵymdaǵy jyldyń shilde aıynda bos jumys oryndarynyń eń az sany ornalastyrylǵan – 44,4 myń, bul 5 shildeden 3 tamyzǵa deıin qosymsha karantındik sharalardy engizýge baılanysty bolýy múmkin. Biraq birtindep jeńildegennen keıin suranystyń ósý tendentsııasy baıqaldy.

«Túıindemeni ornalastyrý boıynsha da osyndaı dınamıka bar. Máselen, 2020 jyldyń shildesine 32,3 myń boldy, biraq III toqsannyń qorytyndysy boıynsha jumys izdep júrgen 123,1 myń maman bar bolyp shyqty. Tek toqsanǵa ǵana emes, sonymen qatar sońǵy 12 aı boıynsha da qyrkúıek aıynda EEB-da eń kóp – 47,3 myń túıindeme ornalastyrylǵan», – dedi ERDO Boljaý departamentiniń dırektory Dmıtrıı Shýmekov.

Bilikti qyzmetkerlerge eń kóp qajettilik Nur-Sultan (23,2 myń bos oryn) jáne Almaty (19,3 myń) qalalarynda, sondaı-aq Qostanaı (19,1 myń) jáne Qaraǵandy (17,6 myń) oblystarynda baıqaldy. Atyraý, Mańǵystaý, Qyzylorda, Túrkistan jáne Jambyl oblystarynda túıindemeler sany usynylǵan vakansııalar sanynan basym ekeni baıqalady. Atyraý oblysynda 100 bos orynǵa 220 túıindeme, Qyzylorda oblysynda – 180 túıindeme, Mańǵystaý oblysynda – 142 túıindeme keldi.

Aıta ketý kerek, kásibı toptar boıynsha kásipqoı mamandar eń belsendileri bolyp tabylady, olardyń suranysy tutastaı usynysqa sáıkes. EEB-da ónerkásip, qurylys, kólik jáne basqa da uqsas salalar úshin 40 myńnan astam bos jumys orny ornalastyryldy. ERDO sarapshylarynyń pikirinshe, bul topqa suranys «Jumyspen qamtýdyń jol kartasy» baǵdarlamasyn júzege asyrýmen baılanysty. Bul rette jol jumysshysy mamandyǵy ótken toqsandaǵydaı respýblıka boıynsha tapshy mamandyqtar qatarynda tur. Munda 4,8 myń adam jetispeıdi.


Joǵary qaraı