Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elektrondy UBT: Bıylǵy testileýdiń basty erekshelikteri qandaı

2021 jyldyń 6 mamyr 2021 22:00

NUR-SULTAN. QazAqparat – QR Bilim jáne ǵylym mınıstri Ashat Aımaǵambetov UBT ótip jatqan pýnkterdiń birine baryp, talapkerlermen sóılesti, dep habarlaıdy QazAqparat.

«Ulttyq biryńǵaı testileý ótip jatqan pýnkterdiń birine baryp, talapkerlermen áńgimelestim. Bıyl UBT alǵash ret kompıýterlik formatta ótip jatyr. Balalardyń aıtýynsha, bul format óte yńǵaıly. Ári testileý nátıjelerin qatysýshylar birden bile alady. Bıyl 130 myńnan astam túlek UBT tapsyrýdy josparlap otyr. Olar testileýdi burynǵydaı tek bir-aq ret emes, eki ret tapsyra alady. Sáıkesinshe nátıjesi kóńilinen shyqqan sertıfıkatpen grant taǵaıyndaý konkýrsyna qatysady», - dep jazdy mınıstr Facebook paraqshasynda.

Sonymen birge, mınıstr testileý formatynyń túbegeıli ózgergenin eske saldy. Buryn túlekterge qaǵaz kitapshalar men jaýaptardy boıap toltyrý paraqtary taratylsa, endi testileý elektrondyq formatta júrgiziledi.

Ár qatysýshyǵa kompıýter berilip, onyń áreketterin beınekameralar baqylaıdy. Proktorıng júıesi iske qosylǵan. Sonymen qatar, arnaıy ortalyqta kezekshiler balalardy kamera arqyly baqylap otyrady.

Tapsyrmalardyń nusqalary testileýdi tapsyrar aldynda avtomatty túrde qurylady, UBT-ny tapsyrý orny men ýaqytyn ár qatysýshy ózi anyqtaıdy.

Endi júz myńdaǵan túlektiń testileýden ótýine burynǵydaı bir apta ǵana berilmeıdi. Testileýdiń ótkizilý merzimi eki aıǵa deıin uzartyldy. UBT-ny qashan tapsyrý kerektigin árkim ózi tańdaıdy.

«Biz IELTS, Qaztest nemese basqa da kez kelgen emtıhandardy tapsyrý sııaqty UBT-nyń qalypty is-shara retinde ótkenin qalaımyz. Meniń oıymsha naýryz aıynda UBT osylaı ótti. Endi muǵalimder de, mektep ákimshiligi de balalardyń UBT tapsyrýy úshin kóptegen qujat jınap, áýre bolmaıdy. Talapkerler UBT tapsyratyn oryndy, qolaıly kún men ýaqytty óz betinshe tańdaıdy. Sonymen birge, biz balalarǵa testileýdi eki ret tapsyrýǵa múmkindik berdik. Olar memlekettik granttardy taǵaıyndaý konkýrsy kezinde UBT-daǵy eki sertıfıkattyń qaısysyn paıdalanatynyn ózderi sheshedi. Munyń bári balalardyń boıyndaǵy emotsıonaldy stress deńgeıin tómendetedi», - deıdi A. Aımaǵambetov.

Ótken jyly test tapsyrýshylarǵy alǵash ret kalkýlıatorlardy paıdalanýǵa ruqsat berildi. Endi kalkýlıatorlar da, Mendeleev kestesi de kompıýterde qoljetimdi bolady.

«Bıýdjet qarajaty men pedagogterdiń ýaqytyn da únemdeımiz. Jyl saıyn 2 myńnan astam pedagog UBT kezinde basqa óńirlerge issaparǵa jiberiletin edi. Bul rette qonaqúı jáne táýlik shyǵyndaryn, sonymen birge oryn alýy múmkin adamı faktorlardy eskerý qajet boldy. Suraqtardyń mazmuny da fýnktsıonaldyq saýatty tekserý jaǵyna qaraı ózgerdi. Bul týraly buǵan deıin de jazyp edim. Ataýly kúnder men basqa da faktiler boıynsha qurastyrylatyn suraqtardyń sany aıtarlyqtaı azaıa tústi. Júıeniń ózi aqparattyq qaýipsizdik synaǵynan sátti ótti, tıisti attestaty bar. Jalpy, biz balalarymyz úshin barynsha qolaıly jaǵdaı jasaýdamyz. Barlyǵy teń dárejede, akademııalyq adaldyq qaǵıdalaryn ustana otyryp, ádil túrde grant taǵaıyndaý konkýrsyna qatysady», - dep jazdy Bilim mınıstri.

Aıta keteıik, búgin elimizde Ulttyq biryńǵaı testileý bastaldy . UBT nátıjesimen memlekettik bilim berý grantyn taǵaıyndaý konkýrsyna qatysýǵa bolady.

Testileý tolyǵymen elektrondy formatta júrgizilip jatyr.


Joǵary qaraı