Aýa raıy
Astana -25 °S
Almaty 2 °S
valıýta baǵamy
USD 421.58
EUR 496.83
RUB 5.53
CNY 62.20

«Elektrondy qujattardyń biryńǵaı muraǵaty» aqparattyq júıesi qurylady

2020 jyldyń 24 qarasha 2020 16:39

NUR-SULTAN. QazAqparat - Elimizde «Elektrondy qujattardyń biryńǵaı muraǵaty» aqparattyq júıesi qurylady. Bul jaıynda Senat depýtattarynyń resmı saýalyna QR Premer-Mınıstri Asqar Mamınniń jaýabynda aıtylǵan, dep habarlaıdy QazAqparat tilshisi.

«Tsıfrlyq Qazaqstan» memlekettik baǵdarlamasy aıasynda «Elektrondy qujattardyń biryńǵaı muraǵaty» aqparattyq júıesin qurý jumystary júrgizilip jatyr. Aqparattyq júıeni iske qosý memlekettik muraǵattardyń jumysyn tolyqtaı avtomattandyrýǵa jáne QR Ulttyq muraǵat qory elektrondy qujattaryn uzaq merzimdi saqtaýdy qamtamasyz etýge múmkindik beredi. «Muraǵat-2025» jobasyn iske asyrý jónindegi is-sharalardyń keshendi josparyn júzege asyrýdy bastaý 2020 jylǵa kózdelgen edi. Alaıda, sanıtarlyq-epıdemıologııalyq sharalardyń júzege asyrylýyna baılanysty shyǵystardyń artýyna oraı ony respýblıkalyq deńgeıde qarjylandyrý keıinge qaldyryldy»,- dedi Premer-Mınıstr.

Úkimet basshysynyń aıtýynsha, atalǵan keshendi jospar óńirlik deńgeıde Aqtóbe, Almaty, Jambyl, Qaraǵandy, Qostanaı, Pavlodar oblystarynda júzege asyrylyp jatyr. Onyń ishinde skanerler, kompıýterler, serverler, kondıtsıonerler satyp alyndy. Jınaqtar basylyp shyǵaryldy. Muraǵatqa arnalǵan úı-jaılar jóndeýden ótkizilip, ǵımarattar satyp alyndy.

«Almaty, Aqmola, Jambyl, Qyzylorda, Mańǵystaý jáne Pavodar oblystarynyń jergilikti atqarýshy organdary keshendi jospardyń 2021 jylǵa arnalǵan sharalaryna bıýdjettik ótinimder ázirlep otyr», - dedi Asqar Mamın.


Joǵary qaraı