Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Eldegi jappaı ereýil kezinde 8 qalada ǵımarattar talqandaldy - mınıstrlik

2022 jyldyń 22 qańtar 2022 15:00

NUR-SULTAN. QazAqparat - Onyń ishinde memlekettik organdardyń 45 ǵımaraty jáne 306 kommertsııalyq nysan bar. Bul týraly Indýstrııa jáne ınfraqurylymdyq damý mınıstrligi málimet taratty, dep habarlaıdy QazAqparat.

Vedomstvo ǵımarattar 8 óńirde: Almaty jáne Shymkent qalalarynda, Almaty, Jambyl, Qyzylorda, Atyraý, Aqtóbe jáne Shyǵys Qazaqstan oblystarynda zardap shekkenin atap kórsetti.

Ákimdikterdiń aldyn ala baǵalaýynsha, zardap shekken ǵımarattardy jóndeýge jáne qalpyna keltirýge jumsalatyn jalpy shyǵyn kólemi - 28,8 mlrd teńge.

Onyń ishinde QR Prezıdentiniń Іs basqarmasy qalpyna keltiretin QR Prezıdentiniń Almatydaǵy rezıdentsııasyn esepke almaǵanda, memlekettik organdardyń ǵımarattary boıynsha zalal somasy - 28,7 mlrd teńge.

Jalpy kelgen zalal kólemi áli de naqtylanýda.

Ol Almaty qalasyndaǵy barlyq jyljymaıtyn múlik obektilerin tolyq zerttep, baǵalaǵannan keıin túpkilikti anyqtalady.

Mınıstr kommertsııalyq nysandarǵa qatysty jalpy somasy 109,2 mln teńge bolatyn jóndeý qajet ekenin aıtty.

Bul sanattaǵy zalal negizinen taýarlardyń búlinýi men joǵalýyna baılanysty.

Memleket basshysynyń tapsyrmasymen qurylǵan komıssııanyń baǵalaýynsha, jalpy el boıynsha kelgen shyǵyn ǵımarattardy jóndeýge ketken shyǵynmen qosa múliktiń búlinýin de esepke alǵanda 136,8 mlrd teńgeni qurady.


Joǵary qaraı