Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Eldegi máıithanalardyń qaýipsizdigi kúsheıtiledi

2022 jyldyń 18 qańtar 2022 18:46

NUR-SULTAN. QazAqparat – QR Premer-Mınıstriniń orynbasary Eraly Toǵjanov eldegi máıithanalardyń qaýipsizdigi kúsheıtiletinin málim etti, dep habarlaıdy QazAqparat tilshisi.

Ortalyq kommýnıkatsııalar qyzmetinde ótken brıfıngide BAQ ókili eldegi tártipsizdikter barysynda máıithanalardan múrdelerdiń urlanǵanyna qatysty resmı málimetti eske salyp, atalmysh nysandardyń qaýipsizdigi boıynsha saýal qoıdy.

«Onyń bárine qazir tapsyrma berilgenin bilesizder. Qasym-Jomart Kemeluly tikeleı tapsyrma berdi. Oǵan baılanysty memlekettik organdardyń bári josparyn jasap jatyr. 51-den astam naqty tapsyrma júkteldi. Sonyń ishinde siz kótergen másele de bar. Sondyqtan onyń bári bolashaqta retteledi. Kemshilikter bolmady dep aıta almaımyz. Kemshilikter bolǵanyn da jaqsy bilemiz. Sonyń bárin eskere otyryp, bolashaqta qaýipsizdikterin qamtamasyz etýge baılanysty búkil sharalardyń qabyldanatynyna eshqandaı kúmánim joq», - dedi Premer-Mınıstrdiń orynbasary.

Atalmysh brıfıngide Eraly Toǵjanov koronavırýsqa qarsy qazaqstandyq vaktsınany tirkeý 2022 jyldyń sońyna qaraı bastalýy múmkin ekenin atady.

«Sizder túsinýlerińiz kerek. Naqty ólshemder bar. Qazaqstan basynda Ulttyq retteýshiniń birinshi deńgeıinde bolǵan. Segiz aıdyń ishinde ekinshi deńgeıge shyqtyq. Endi sony 2022 jyldyń aıaǵyna qaraı úshinshi deńgeıge jetkizý mindeti qoıylyp otyr. Qazaqstan Ulttyq retteýshiniń úshinshi deńgeıine jetken kezde bizdiń vaktsınany Dúnıejúzilik densaýlyq saqtaý uıymy resmı túrde qaraıtyn bolady. Bul – halyqaralyq standarttar, bul – talap», -dedi ol BAQ ókiliniń saýalyna bergen jaýabynda.


Joǵary qaraı