Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elbasynyń tóraǵalyǵymen «Samuryq-Qazyna» qoryn basqarý jónindegi keńestiń otyrysy ótti

2021 jyldyń 11 qarasha 2021 18:58

NUR-SULTAN. QazAqparat – Elbasynyń tóraǵalyǵymen «Samuryq-Qazyna» ulttyq ál-aýqat qoryn basqarý jónindegi keńestiń otyrysy ótti, dep habarlaıdy QazAqparat elbasy.kz silteme jasap.

Jıynda «Samuryq-Qazyna» ulttyq ál-aýqat qory» aktsıonerlik qoǵamy basqarmasynyń tóraǵasy A.Sátqalıev Qordyń bıylǵy toǵyz aıdaǵy qyzmetiniń qorytyndysy jáne negizgi strategııalyq maqsattary men damý basymdyqtary týraly baıandama jasady.

Otyrysqa qatysýshylar «Samuryq-Qazyna» ulttyq ál-aýqat qory» aktsıonerlik qoǵamynyń 2022-2031 jyldarǵa arnalǵan damý strategııasyn maquldady. Atalǵan qujatta Qazaqstan ekonomıkasynyń naqty sektorynda ınfraqurylymdyq, eksportqa baǵdarlanǵan jáne ımportty almastyratyn jobalardy iske asyrýda ınvestıtsııany ulǵaıtý qarastyrylǵan.

Sondaı-aq Keńes múshelerine «Samuryq-Qazyna» ulttyq ál-aýqat qory» aktsıonerlik qoǵamynyń tómen kómirtekti damýǵa kóshý jónindegi tujyrymdamalyq tásilderi tanystyryldy. Osy turǵyda energetıkalyq jáne ekologııalyq qaýipsizdik arasynda teńgerimdi saqtaý qajettigi aıtyldy.




Nursultan Nazarbaev «Samuryq-Qazyna» ulttyq ál-aýqat qory» aktsıonerlik qoǵamy usynǵan 2060 jylǵa qaraı kómirtegi beıtaraptyǵyna qol jetkizý maqsattaryn qoldaıtynyn bildirdi.

Sonymen qatar Elbasy energııa jetkizý tizbeginiń beriktigin nyǵaıtyp, jergilikti úlesti arttyrýdyń, ekonomıkany ártaraptandyrýdyń, sonyń ishinde zamanaýı óndiris qalyptastyrý arqyly ishki naryqty taýarmen qamtý men eksport úlesin ulǵaıtýdyń mańyzy zor ekenine toqtaldy.

«Samuryq-Qazyna» ulttyq ál-aýqat qorynyń sheteldik ozyq táýelsiz ál-aýqat qorlarymen yntymaqtastyǵy máselesine erekshe nazar aýdaryldy. Bul oraıda Elbasy Birikken Arab Ámirlikterimen aradaǵy qarym-qatynas joǵary qarqynmen damyp kele jatqanyna toqtalyp, olardyń biregeı tájirıbesi men ınvestıtsııalyq múmkindigi Qazaqstan ekonomıkasyn jańǵyrtý jolynda asa mańyzdy ekenin atap ótti.




«Halyqaralyq áriptestik aıasynda kúsh-jiger jumyldyrý «Samuryq-Qazyna» ulttyq ál-aýqat qory mejelegen jańǵyrýdy jedeldetip, ekonomıkany tıimdi ártaraptandyrýǵa septigin tıgizedi. Osylaısha jańa damý strategııasyndaǵy maqsattardy iske asyrý Qordyń negizgi mindeti retinde qarastyrylyp otyr», – dedi Qazaqstannyń Tuńǵysh Prezıdenti.

Otyrys barysynda «QazMunaıGaz» ulttyq kompanııasy» aktsıonerlik qoǵamy, «QazAtomÓnerkásip» ulttyq atom kompanııasy» aktsıonerlik qoǵamy jáne «Qazaqtelekom» aktsıonerlik qoǵamy basshylarynyń qazirgi ahýal men taıaý jyldardaǵy damý boljamy týraly esebi tyńdaldy.


Joǵary qaraı