Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Elbasynyń Qaýipsizdik Keńesi men QHA-da ómir boıy tóraǵalyq etýin toqtatatyn túzetýler Senatqa joldandy

2022 jyldyń 19 qańtar 2022 17:10

NUR-SULTAN. QazAqparat – Parlament Májilisi QR Tuńǵysh Prezıdenti Nursultan Nazarbaevtyń Qaýipsizdik Keńesi men Qazaqstan halqy Assambleıasyna ómir boıy tóraǵalyq etýin toqtatatyn konstıtýtsııalyq zańnamaǵa túzetýlerdi maquldady, dep habarlaıdy QazAqparat tilshisi.

«Qazaqstan halqy Assambleıasy týraly» jáne «QR Qaýipsizdik Keńesi týraly» zańdaryna tıisti túzetý engizildi. Qazaqstan halqy Assambleıasyn Memleket basshysy basqarady degen, ekinshisinde Qaýipsizdik Keńesiniń tóraǵasy da Prezıdent bolady degen túzetý qamtyldy», - dedi Májilis depýtaty Snejanna Imasheva.

Osy oraıda depýtat «QR Tuńǵysh Prezıdenti – Elbasy týraly» zańnamadaǵy ózgeriske toqtala kele, Elbasynyń atalǵan eki uıymdy basqarý quqyǵy alynyp tastalǵanyn jáne ózge quqyqtary saqtalǵanyn jetkizdi.

«Memleket basshysynyń Qazaqstan halqy Assambleıasy men Qaýipsizdik Keńesine tóraǵalyǵy týraly túzetýdi Májilistiń Zańnama jáne sot-quqyqtyq reforma komıteti engizdi... Zańnamany qazirgi sheshimderge sáıkes keltirý kerek. Bizdiń komıtet zań sapasyna jaýapty», - dedi S. Imasheva.

Aıta keteıik, Májilis depýtaty Qanat Nurov Parlament Májilisi «QR Tuńǵysh Prezıdenti – Elbasy týraly» Konstıtýtsııalyq zańǵa túzetýler engizip, Senatqa joldaǵanyn aıtqan edi.

Budan buryn habarlanǵanda, bıyl 18 qańtar kúni Qazaqstan Respýblıkasynyń Tuńǵysh Prezıdenti – Elbasy Nursultan Nazarbaev Qazaqstan halqyna úndeý jasady.

Elbasy Qaýipsizdik keńesiniń tizgini Prezıdent Qasym-Jomart Toqaevtyń qolynda ekenin eske salady.


Joǵary qaraı