Aýa raıy
Astana -15 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Elbasynyń 5 ınstıtýtsıonaldy reformasy qoǵamnyń jańǵyrýyna úlken serpin berdi - Rahym Oshaqbaev

2020 jyldyń 23 qarasha 2020 12:21

NUR-SULTAN. QazAqparat - Elbasynyń 5 ınstıtýtsıonaldy reformasy qoǵamymyzdyń jańǵyrýyna úlken serpin berdi. Bul týraly «Talap» qoldanbaly zertteýler ortalyǵynyń dırektory Rahym Oshaqbaev aıtty, dep habarlaıdy QazAqparat tilshisi.

«Qazaqstanda sońǵy 5 jyldyń ishinde jemqorlyqqa qarsy is-qımylda qandaı strategııanyń barynsha tıimdi ekendigine qatysty tıktanıkalyq ózgerister boldy. Menińshe, bul ózgerister el ishinde, sarapshylar arasynda syrtqy kontýrada óte jaqsy qabyldanǵan Elbasynyń 5 ınstıtýtsıonaldy reformasynyń arqasynda 2015 jyldan bastaldy»,- dedi ol IX Azamattyq forým aıasynda ótip jatqan «Azamattyq qoǵam jemqorlyqqa qarsy» taqyrybyndaǵy alańda.

Onyń aıtýynsha, atalǵan 5 reformada zań ústemdigi, birtektilik jáne birlik, esep beretin memleketti qalyptastyrý syndy mańyzdy túsinikterge arqa súıeı otyryp, ınklıýzıvti ınstıtýttar qurý týraly sóz boldy.

«Sonymen qatar ınklıýzıvti ekonomıkalyq ósim syndy túsinik jáne osy ıdeologııalyq tuǵyrnama aıasynda óte naqty ári túsinikti trend qalyptasty. Onyń aıasynda ashyqtyq, transparenttilik jáne esep beretin memleket trendteri júzege asyrylyp jatyr. Ony túrli memlekettik organdar, ártúrli sheneýnikter árqıly jyldamdyqpen qabyldaǵany sózsiz. Degenmen, memlekettik organdar, bılik belgili bir deńgeıde halyqtyń suranysyna oraı áreket etip jatyr. Jalpy, 5 ınstıtýtsıonaldy reforma qoǵamymyzdy jańǵyrtýda Qazaqstanǵa úlken serpin bergenin kórip otyrmyz»,- dedi Rahym Oshaqbaev.


Joǵary qaraı