Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Elbasy joly» ekspedıtsııasy Túrkistanǵa keldi

2021 jyldyń 28 qazan 2021 11:18

TÚRKІSTAN. QazAqparat - Táýelsizdik merekesiniń 30 jyldyǵyna oraı Shamalǵannan bastaý alǵan «Elbasy joly» ekspedıtsııasy Túrkistan qalasyna keldi, dep habarlaıdy QazAqparat Túrkistan oblysy ákiminiń baspasóz qyzmetine silteme jasap.

Ekspedıtsııanyń maqsaty – Qazaqstan Respýblıkasy Tuńǵysh Prezıdenti, Elbasy N. Nazarbaevtyń shyǵarmashylyq jáne saıası jolyn keńinen nasıhattaý, kóshbasshynyń ómirinen syr shertetin mańyzdy oryndardy aralaý. Ekspedıtsııa quramyna «El úmiti» bastamasynyń eń úzdik jastary engizilgen.

Ekspedıtsııa músheleri myńjyldyq órkenıetterdiń toraby bolǵan Túrkistan qalasyna kelip, 14-29 jas aralyǵyndaǵy «Elbasy medali» jobasynyń qatysýshylarymen kezdesti. Jas kóshbasshylar men bilimdi órender ózara pikir almasyp, ǵylym, bilim, mádenıet jáne ózge de salalarda jetistikke jetý jolyn saralady. Túrkistannyń damyp kele jatqanyn tilge tıek etip, bunyń bári táýelsizdiktiń jemisi ekenine toqtaldy.




Aıta keteıik, Túrkistan oblysy boıynsha 276 bilimdi jas «Elbasy medali» jobasynan qola medal aldy. Bıyl 54 medal ıegerine memlekettik bilim granty berildi. Qazir óńirde 565 jas jobaǵa qatysyp jatyr. Olardyń 222-i qola deńgeıdi, 17-i kúmis deńgeıdi aıaqtaýǵa úmitker bolyp tur. Óńir boıynsha baǵdarlamany júzege asyrýda 19 tálimger, 1 óńirlik úılestirýshi jáne 1 sarapshy qyzmet etip jatyr.

Budan keıin ekspedıtsııa músheleri «Qoja Ahmet ıAsaýı» kesenesiniń tarıhyna qanyǵyp, babalar rýhyna zııarat jasady. ıÝNESKO-nyń tiziminde turǵan tarıhı eskertkishterdi tamashalady. Túrkistanda jańadan boı kótergen ǵımarattardy, mádenı-áleýmettik nysandardy aralady. «Kerýen saraı» týrıstik kesheninde serýendep, jańarǵan Túrkistandaǵy ózgeristerge rızashylyǵyn bildirdi.

Elbasy akademııasynyń resmı ókili Marjan Imanǵalıevanyń aıtýynsha, «El úmiti» bastamasy men «Elbasy medali» jobasyna qatysýshylardyń kóńil-kúıleri óte jaqsy. Bul ekspedıtsııa arqyly jastardyń shyǵarmashylyq baılanystary nyǵaıyp, oı-óristeri keńeıedi. Ekspedıtsııa Túrkistan oblysy men Shymkent qalalarynda kezdesýlerge qatysqan soń Temirtaý men Nur-Sultan qalalaryna jolǵa shyǵady.







Joǵary qaraı