Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elbasy Túrkııa Uly ulttyq jınalysynyń spıkerimen kezdesti

2021 jyldyń 27 qyrkúıek 2021 18:39

NUR-SULTAN. QazAqparat - Nursultan Nazarbaev Túrkııa Respýblıkasynyń Uly Ulttyq Jınalysynyń spıkeri Mustafa Shentoppen kezdesti, dep habarlaıdy QazAqparat Elbasy saıtyna silteme jasap.

Kezdesýde Qazaqstannyń Tuńǵysh Prezıdenti M.Shentopqa Túrkistan qalasynda ótetin Túrkitildes elderdiń Parlamenttik assambleıasynyń mereıtoılyq plenarlyq otyrysynda jemisti kelissózder júrgizýine tilektestigin bildirdi.

Elbasy otyz jyl ishindegi Qazaqstan men Túrkııa arasyndaǵy qatynastardyń damý qarqynyn atap ótip, M.Shentoptan Túrkııa Respýblıkasynyń Prezıdenti Rejep Taııp Erdoǵanǵa izgi tilegin jetkizýdi surady.




– Men táýelsizdiktiń alǵashqy kúnderinen Qazaqstan men Túrkııa arasyndaǵy yntymaqtastyqty damytý jolynda jumys atqaryp kelemin. Búginde bizdiń qarym-qatynasymyz qarqyndy damyp jatyr. Prezıdent Erdoǵan ekeýmiz únemi baılanystamyz, – dedi Qazaqstannyń Tuńǵysh Prezıdenti.

Óz kezeginde M.Shentop Elbasyǵa qonaqjaılyq tanytqany úshin rızashylyǵyn bildirip, Túrkııa Respýblıkasynyń Prezıdenti Rejep Taııp Erdoǵannyń jyly lebizin jetkizdi.


Joǵary qaraı