Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elbasy respýblıkalyq jastar forýmyna úndeý joldady

2021 jyldyń 24 qarasha 2021 09:20

NUR-SULTAN. QazAqparat –Elbasy Nursultan Nazarbaev elordada ótip jatqan «Táýelsizdik urpaqtary» atty respýblıkalyq jastar forýmyna úndeý joldady, dep habarlaıdy QazAqparat tilshisi.

«Búgin barshamyz úshin erekshe kún. Táýelsizdiktiń torqaly toıy qarsańynda elimizdiń bilimdi bilikti, isker de belsendi jastary respýblıkalyq forýmda bas qosyp otyr. Barshańyzdy Táýelsizdiktiń 30 jyldyq mereıtoıymen shyn júregimnen quttyqtaımyn», - degen Elbasy Táýelsizdik táńirdiń búgingi urpaqqa bergen baǵa jetpes úlken syıy ekenin atady.

«30 jyl – halqymyz úshin tarıhı beles. Biz osy ýaqyt ishinde ata-babamyzdyń asyl armanyn oryndap qana qoımaı, ony baıandy ete bildik. Qazaqstandy álem tanyǵan, jahan moıyndaǵan irgeli memleketke aınaldyrdyq. Bul – barsha halqymyzdyń ortaq jeńisi. Men Qazaqstandy táýelsiz memleket dep jarııalaǵan tusta elimniń keleshegi jarqyn, halqy baqýatty, jastary baqytty bolsyn dep armandadym. Óskeleń urpaqtyń sapaly bilim alyp, laıyqty ómir súrýi jolynda aıanbaı eńbek ettim. Búginde sol armanym oryndalyp otyr. Táýelsizdik jyldary biz damyǵan eldermen terezesi teń, básekege qabiletti jańa býyn tárıbeledik», - dedi Nursultan Nazarbaev Qazaqstan jastaryna.

Joǵary qaraı