Aýa raıy
Astana -14 °S
Almaty -7 °S
valıýta baǵamy
USD 421.58
EUR 496.83
RUB 5.53
CNY 62.20

Elbasy «Nur Otan» partııasynyń Saıası keńesi Bıýrosynyń otyrysyn ótkizdi

2020 jyldyń 24 qarasha 2020 18:51

NUR-SULTAN. QazAqparat – Elbasy Nursultan Nazarbaevtyń tóraǵalyǵymen «Nur Otan» partııasynyń Saıası keńesi Bıýrosynyń otyrysy ótti. Bul QazAqparat elbasy.kz saıtyna silteme jasap habarlaıdy.

Jıynda Elbasy sońǵy bes jyl ishinde partııa óziniń saılaý aldynda bergen ýádeleriniń basym bóligin oryndaǵanyn atap ótti.

«Fraktsııa otyrysynda «Nur Otan» partııasynyń «Qazaqstan-2021: Birlik. Turaqtylyq. Jasampazdyq» atty saılaýaldy baǵdarlamasynyń oryndalýy týraly Úkimettiń esebi tyńdaldy. Pandemııaǵa jáne soǵan baılanysty álemdik ekonomıkanyń 4,4 protsentke, keıbir damyǵan elderde 10 protsentke quldyraǵanyna qaramastan, biz tıimdi jumystyń jáne Ulttyq qor qarajatynyń arqasynda mundaı kúrdeli jaǵdaılardy aınalyp óte bildik», – dedi Nursultan Nazarbaev.

Qazaqstannyń Tuńǵysh Prezıdenti sońǵy bir jyldyń ishinde partııa jumysyn qaıta jandandyrý baǵytynda aýqymdy júıeli jumys atqarylǵanyn atap ótti.

«Biz alǵash ret praımerız ótkizdik. Sonyń nátıjesinde aýdan, qala jáne oblys deńgeıindegi irikteýlerden ótken 77 kandıdat Saıası keńestiń sheshimimen Sezge usynylyp otyr. Búgin praımerız tártibine sáıkes, qalǵan 49 kandıdatty ortalyq kvota boıynsha partııalyq tizimge qosý jóninde sheshim qabyldaımyz. Halyqtyń qatysýymen 216 óńirlik saılaýaldy baǵdarlama jan-jaqty talqylanyp, qabyldandy. Onda jurtshylyq tarapynan kelip túsken 17 myńnan astam usynys eskerildi», – dedi partııa Tóraǵasy.

Sondaı-aq Elbasy praımerızge qatysýshylar men onda jeńiske jetken azamattarǵa toqtaldy.

«Praımerızge qatysýshylardyń úshten bir bóligi jáne partııalyq tizimge engen árbir besinshi adam – jastar ókili. Partııalyq tizimniń 30 protsentin áıelder quraıdy. Sonymen birge partııa tizimderinde kóp balaly analar, múmkindigi shekteýli jandar, bıznes ókilderi, jumysshylar men qyzmetkerler bar. Praımerızge qatysqan partııanyń árbir úshinshi jańa múshesi jeńiske jetti. Osylaısha, biz «Nur Otan» partııasynyń jumysyn júıeli túrde qaıta jandandyrýdy aıaqtadyq», – dedi Qazaqstannyń Tuńǵysh Prezıdenti.

Bıýro men Saıası keńes otyrystarynyń nátıjesinde 126 kandıdattan quralǵan tizim «Nur Otan» partııasynyń HH sezine usynylady.


Joǵary qaraı