Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Elbasy «Nur Otan» partııasynyń  kóshbasshylyq syryn aıtty

2020 jyldyń 25 qarasha 2020 14:03

NUR-SULTAN. QazAqparat - 2025 jylǵa deıingi «Jastar - Otanǵa» baǵdarlamasynyń jobasy ázirlendi. Bul týraly búgin «Nur Otan» partııasynyń kezekten tys HH sezin qorytyndylaǵan QR Tuńǵysh Prezıdenti - Elbasy Nursultan Nazarbaev aıtty, dep habarlaıdy QazAqparat tilshisi.

«Nur Otan» 20 jyl kósh bastap keledi. Biz árdaıym jurtshylyqtyń muń-muqtajyn túsinip, máselesin sheshtik. Kóshbasshylyqtyń syry da osynda jatyr. Biz «Nur Otan-nyń» naqty ister partııasy ekenin dáleldedik. Pandemııa kezinde meniń bastamammen qurylǵan «Birgemiz» qory 33 mlrd teńge qarjy bólip, 2 mln-nan astam adamǵa kómek kórsetti. Partııa úshin qarapaıym halyqtyń múddesi eń birinshi orynda turady. Partııanyń konferentsııasy kezinde biz ár oblystyń, aýdannyń, qalanyń máselelerin sheshetin 216 óńirlik jańa saılaýaldy baǵdarlama qabyldadyq. Mundaı esh ýaqytta bolǵan joq. Memleket tarapynan úlken baǵdarlamalar boldy. Al ár oblysta, ár qalada, ár aýdanda baǵdarlamanyń bolýy jergilikti bıliktiń atqaratyn jumysy sapasyna talapty kúsheıtedi», - dedi Elbasy.

QR Tuńǵysh Prezıdenti elimizdiń eń iri uıymy jastar uıymy «Jas otannyń» bastamasymen partııa tóńiregine belsendi jastar toptasqanyn da aıtty.

«Pandemııa kezinde «Jas otan» 5 myńnan astam eriktini jumyldyrý arqyly óziniń kóshbasy ekenin dáleldedi. Bıyl 2025 jylǵa deıingi «Jastar - Otanǵa» baǵdarlamasynyń jobasy ázirlendi. Ol «Jas otan» sezinde qabyldanatyn bolady», - dedi Nursultan Nazarbaev.


Joǵary qaraı