Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Elbasy EQYU Sammıti jóninde: Elordamyz áp-sátte álemniń saıası astanasyna aınaldy

2021 jyldyń 19 aqpan 2021 16:56

NUR-SULTAN. QazAqparat – Qazaqstan 2010 jyly EQYU-ǵa tóraǵalyq etken kezde senim atmosferasyn qalyptastyrý úshin barlyq kúsh-jigerin jumsady. Bul jaıynda QR Tuńǵysh Prezıdenti – Elbasy Nursultan Nazarbaevtyń «EQYU-nyń Astana sammıti 2010: Tarıhı máni men ózektiligi» atty halyqaralyq onlaın konferentsııa qatysýshylaryna arnaǵan quttyqtaýynda aıtylǵan, dep habarlaıdy QazAqparat tilshisi.

«Biz senim atmosferasyn qalyptastyrý, negizgi máseleler boıynsha konsensýs alańyn nyǵaıtý, Aýǵanstandy damytý problemalaryn sheshý, EQYU-nyń jaýapkershiligi aýmaǵyndaǵy daý-janjaldardy retteý, uıymnyń eleýli praktıkalyq áleýetin arttyrý jáne júzege asyrý úshin bar kúsh-jigerimizdi jumsaǵanymyzǵa sendirgim keledi. Tóraǵalyq kezeńinde Qazaqstan EQYU Parlamenttik Assambleıasynyń Transazııalyq parlamenttik forýmyn, Almatyda uıymǵa múshe memleketterdiń syrtqysaıası vedomstvolary basshylarynyń beıresmı sammıtin, al 1-2 jeltoqsanda Astanada EQYU samıtin ótkizdi», - delingen Elbasynyń keńesshisi – QR Tuńǵysh Prezıdenti keńsesi Aqparattyq-saraptamalyq qamtamasyz etý bóliminiń meńgerýshisi Ádil Tursynov jarııa etken quttyqtaý hatta.

QR Tuńǵysh Prezıdenti elimiz postkeńestik keńistikte EQYU-ny basqarý mártebesine ıe bolǵan alǵashqy memleket ekendigine de nazar aýdartyp ótti.

«Qazaqstan tóraǵalyǵynyń qorytyndy oqıǵasy - bizdiń jas ári ásem qalamyzdy áp-sátte álemniń saıası astanasyna aınaldyrdy. Sammıttiń sol umytylmas eki kúninde biz 73 halyqaralyq delegatsııanyń, onyń ishinde 38 Memleket jáne Úkimet basshysyn, EQYU-ǵa múshe memleketterdiń joǵarǵy laýazymdy sheneýnikterin, BUU Bas hatshysyn, basqa da kóptegen halyqaralyq jáne óńirlik uıymdar ókilderin qonaq ettik. «Qaýipsizdiktiń qoǵamdastyǵyna betburys» atty tarıhı deklaratsııa da uıymnyń barlyq úsh baǵyty boıynsha belgilengen mindettemeler quptaldy. Eýroatlantıka jáne Eýrazııa keńistikterindegi erkin jáne demokratııalyq qoǵamdastyq birliginiń mańyzdylyǵy basa atap ótildi. Aıryqsha máni bar Astana rýhynyń negizinde múshe memleketter arasyndaǵy yntymaqtastyqty odan ary damytý nıeti jarııa etildi», - dedi QR Tuńǵysh Prezıdenti.


Joǵary qaraı