Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elbasy «Astana» HQO-syn basqarý jónindegi keńes tóraǵasynyń orynbasary Sýma Chakrabartımen kezdesti

2021 jyldyń 21 qyrkúıek 2021 18:33

NUR-SULTAN. QazAqparat - Nursultan Nazarbaev «Astana» halyqaralyq qarjy ortalyǵyn basqarý jónindegi keńes tóraǵasynyń orynbasary Sýma Chakrabartımen kezdesti, dep habarlaıdy elbasy.kz.

Kezdesýde taraptar pandemııa jaǵdaıyndaǵy álem ekonomıkasynyń odan ári damý perspektıvasyna qatysty pikir alysty.

Elbasy álemde epıdemıologııalyq ahýaldyń nasharlaýy jańa daǵdarysqa ákep soǵýy múmkin ekenin aıtty.

– Búginde pandemııa saldarynan kúrdeli kezeń qalyptasyp otyr. Osylaı jalǵasa berse, jańa daǵdarystar týyndaýy yqtımal. Qazirdiń ózinde qaryz daǵdarysy paıda boldy, ınflıatsııa daǵdarysy beleń alyp, energııa resýrstary arzandaıdy degen boljam bar, – dedi Nursultan Nazarbaev.

Áńgime barysynda taraptar óńirdegi ekonomıkalyq jaǵdaıdyń damý boljamdaryn, sondaı-aq syn-qaterlerdiń aldyn alý sharalaryn ázirleý máselelerin talqylady.





Basty sózder: Tuńǵysh Prezıdent - Elbasy,
Joǵary qaraı