Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elbasy akademık Serik Qırabaevtyń týystaryna kóńil aıtý jedelhatyn joldady

2021 jyldyń 26 qazan 2021 12:44

NUR-SULTAN. QazAqparat - Elbasy akademık Serik Qırabaevtyń qaıtys bolýyna baılanysty marqumnyń otbasy men týǵan-týystaryna kóńil aıtý jedelhatyn joldady. Bul týraly QazAqparat elbasy.kz saıtyna silteme jasap habarlaıdy.

Nursultan Nazarbaev kórnekti ádebıettanýshy, synshy, fılologııa ǵylymynyń doktory, Ulttyq ǵylym akademııasynyń akademıgi Serik Smaıyluly Qırabaevtyń dúnıeden ótýine baılanysty aýyr qaıǵyǵa ortaqtasyp, kóńil aıtty.

«Sanaly ǵumyryn basybútin ǵylymı-pedagogıkalyq qyzmetke arnaǵan Serik Smaıyluly otandyq ádebıettaný salasyn damytýǵa qomaqty úlesin qosqan iri ǵalym bolatyn. Ol ótken ǵasyrdyń elýinshi jyldarynan bastap orta mektepke arnalǵan oqýlyqtar men oqý baǵdarlamalaryn jazý jáne jetildirý isine aıanbaı atsalysqan zor parasat ıesi, ulaǵatty ustaz edi.

Únemi azamattyq aıqyn ustanymyn tanytyp, qajyrly qaıratkerligimen elimizdiń ósip-órkendeýine atsalysyp, kóptiń syı-qurmetine bólendi, sońyna kóptegen mándi ǵylymı zertteýleri men izbasar shákirtterin qaldyrdy», – delingen jedelhatta.

Elbasy Serik Smaıylulynyń ǵıbratty ǵumyry men jarqyn beınesi jurtshylyq jadynda árdaıym saqtalatynyna senim bildirdi.

Búgin kórnekti ádebıettanýshy ǵalym, synshy, akademık Serik Qırabaev dúnıeden ozdy.


Basty sózder: Tuńǵysh Prezıdent - Elbasy,
Joǵary qaraı