Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Elvıra Ázimova: Qańtar oqıǵasyna baılanysty zeınetkerler men múgedekterge de aıyppul salý faktileri bar

2022 jyldyń 27 qańtar 2022 19:26

NUR-SULTAN. QazAqparat – Qańtar oqıǵasyna baılanysty tergep-tekserý qorytyndysy boıynsha ákimshilik aıyppul taǵaıyndalǵandardyń ishinde zeınetkerler men jumyssyzdar, múmkindigi shekteýli adamdar bar. Bul týraly Adam quqyqtary jónindegi ýákil Elvıra Ázimova «Habar-24» telearnasynda ótken brıfıngide aıtty, dep habarlaıdy QazAqparat tilshisi.

«Buqaralyq aqparat quraldary men Prokýratýraǵa málimdeme jasaýǵa bel býǵan azamattardy qýdalaý men qysym kórsetýdi boldyrmaý kerek. Prokýratýranyń BAQ pen áleýmettik jelide rezonans týdyrǵan barlyq ótinishterge jedel jaýap berýi óte mańyzdy. Protsestik áreketterdi júrgizý kezinde qatygezdikpen qaraý, advokattardyń bolmaýy, psıhologııalyq qysym kórsetý jáne basqa da buzýshylyqtar týraly habarlamalardy sot ókilderi men prokýrorlar eskerýge tıis», - degen Adam quqyqtary jónindegi ýákil ákimshilik jaza týraly shyǵarylǵan sot sheshimderin de súzgiden ótkizý kerektigin jetkizdi.

«Bas Prokýratýranyń 25 qańtardaǵa habarlamasynda qańtar oqıǵalaryna baılanysty 9257 ákimshilik istiń qaralǵany týraly habarlady. Onyń jartysy qandaı da bir jaza qoldanylmaı qaraldy. 4584 adamǵa sot eskertý shyǵardy. Ákimshilik aıyp taǵaıyndalýyna baılanysty maǵan júgingen azamattardyń keıbireýi zeınetkerler, jumyssyzdar, múgedektigi bar adamdar nemese basqa da áleýmettik osal toptar sanatyna jatady», - dedi Elvıra Ázimova.


Joǵary qaraı