Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

El shekarasynan 671 myń dollar qolma-qol aqshany alyp ótpek bolǵan

2022 jyldyń 24 mamyr 2022 11:55

NUR-SULTAN. QazAqparat - Memlekettik kirister komıteti bıylǵy naýryz-sáýir aılarynda kedendik shekara arqyly jalpy somasy 671 000 AQSh dollaryna teń keletin qolma-qol aqshany zańsyz ótkizýdiń 40 faktisin anyqtady, dep habarlaıdy QazAqparat.

Vedomstovnyń málimetinshe, barlyq tulǵalar Ákimshilik quqyq buzýshylyq týraly kodekstiń 551, 545-baptary boıynsha jaýapkershilikke tartyldy.

«Onyń ishinde, sheteldik valıýtany syrtqa alyp ketýge tyıym salý kúshine engen soń, kedendik shekara arqyly jalpy somasy 280 000 dollardy quraıtyn qolma-qol aqshany kedendik shekara arqyly alyp ketpek bolǵan 21 derek belgili boldy. Barlyq oqıǵa Nur-Sultan (6 fakt) men Almaty (15 fakt) qalalarynyń halyqaralyq áýejaılarynda ornalasqan keden beketterde tirkeldi», - dep jazylǵan komıtet habarlamasynda.

Aıta keteıik, Qazaqstan Prezıdentiniń Jarlyǵymen el aýmaǵynan:

- 10 000 AQSh dollary balamasynan asatyn jáne áketý kúnine belgilengen Ulttyq bank baǵamy boıynsha eseptelgen somadaǵy qolma-qol shetel valıýtasy jáne (nemese) shetel valıýtasyndaǵy aqsha quraldaryn;

- Ulttyq bank shyǵaratyn 5, 10, 20, 50 jáne 100 gramm affınırlengen altyn quımalaryn jáne ALTYN BARYS altynynan jáne KÚMIS BARYS kúmisinen jasalǵan ınvestıtsııalyq monetalardy, sondaı-aq 100 gramnan astam affınırlengen altyndy áketýge tyıym salynǵan.


Joǵary qaraı